സിനിമാ ലൊക്കേഷൻ മാനേജർ ചിറ്റൂർ ഐക്കരപ്പറമ്പിൽ ദാസ് തൊടുപുഴ (സുഗുണ ദാസ്- 76) അന്തരിച്ചു. തൊടുപുഴയും പരിസര പ്രദേശങ്ങളും മലയാള സിനിമയുടെ ഇഷ്ടലൊക്കേഷനാക്കി മാറ്റിയവരിൽ പ്രധാനിയായിരുന്നു. മലയാളത്തിന്റെ ആദ്യ 50 കോടി ചിത്രമായ ദൃശ്യം ഉൾപ്പെടെ നൂറ്റമ്പതോളം സിനിമകളുടെ ലൊക്കേഷൻ മാനേജരായിരുന്നു. അമ്പതോളം സിനിമകളിൽ ചെറിയ വേഷങ്ങളിൽ അഭിനയിച്ചിട്ടുണ്ട്.
വാർദ്ധക്യ സഹജമായ അസുഖത്തെ തുടർന്ന് നാല് മാസമായി ചികിത്സയിലായിരുന്നു. ഇന്നലെ വൈകിട്ടോടെയാണ് മരിച്ചത്. ഭാര്യ: പരേതയായ രാജം. മക്കൾ: അഖിൽദാസ് (മനോരമ ന്യൂസ് ക്യാമറാമാൻ), പ്രീതാ റോഷി. മരുമക്കൾ: സിന്ധു അഖിൽദാസ്, റോഷി വർഗീസ്. സംസ്കാരം വ്യാഴാഴ്ച രണ്ടിന് തൊടുപുഴ ശാന്തിതീരം ശ്മശാനത്തിൽ.
English Summary;Location manager and actor Das Thodupuzha passed away
You may also like this video
