Site iconSite icon Janayugom Online

പ്രതിഷേധത്തില്‍ മുങ്ങി ലോക്‌സഭ; ബജറ്റ് ചര്‍ച്ചകള്‍ക്ക് തുടക്കം

പ്രതിപക്ഷ പ്രതിഷേധത്തില്‍ മുങ്ങി ബജറ്റ് ചര്‍ച്ചകള്‍ക്ക് പാര്‍ലമെന്റിന്റെ ഇരു സഭകളിലും തുടക്കം. ലോക്‌സഭാ സ്പീക്കര്‍ക്കെതിരെ അവിശ്വാസ പ്രമേയ നീക്കവുമായി പ്രതിപക്ഷം. പ്രതിപക്ഷ നേതാവ് രാഹുല്‍ ഗാന്ധിയെ സഭയില്‍ സംസാരിക്കാന്‍ അനുവദിക്കാത്തതിലെ പ്രതിഷേധം ഇന്നലെയും തുടര്‍ന്നു. രാവിലെ സഭ സമ്മേളിച്ചയുടന്‍ മുദ്രാവാക്യം വിളികളുമായി നടുത്തളത്തിലിറങ്ങിയ പ്രതിപക്ഷത്തെ അനുനയിപ്പിക്കാന്‍ സ്പീക്കര്‍ നടത്തിയ ശ്രമങ്ങളെല്ലാം പാഴായി. ഇതോടെ ആദ്യം 12 വരെയും പിന്നീട് രണ്ടുവരെയും നിര്‍ത്തിവച്ച സഭ പിന്നീട് സമ്മേളിച്ചപ്പോഴും പ്രതിപക്ഷം പ്രതിഷേധത്തില്‍ നിന്നും പിന്തിരിഞ്ഞില്ല. ഇതോടെ ഇന്നത്തേക്ക് പിരിയുകയാണുണ്ടായത്.

ഇന്തോ — അമേരിക്കന്‍ വ്യാപാര കരാര്‍ രാജ്യത്തെ കാര്‍ഷിക മേഖലയ്ക്ക് ദോഷകരമെന്ന ആക്ഷേപം പ്രതിപക്ഷം ഉന്നയിച്ചു. കരാര്‍ സഭ നിര്‍ത്തിവച്ച് ചര്‍ച്ച ചെയ്യണമെന്ന് ആവശ്യപ്പെട്ട് പ്രതിപക്ഷ കക്ഷികള്‍ നോട്ടീസ് നല്‍കി. ബജറ്റ് ചര്‍ച്ചകളാണ് ഇന്നലെ സഭയില്‍ നടക്കേണ്ടിയിരുന്നത്. എന്നാല്‍ പ്രതിപക്ഷ പ്രതിഷേധത്തില്‍ നടപടികള്‍ തടസപ്പെട്ടതോടെ ചര്‍ച്ചകള്‍ സഭയില്‍ നടന്നില്ല.

Exit mobile version