കര്‍ണാടകയിലെ വിവിധ സ്ഥലങ്ങളില്‍ ലോകായുക്ത റെയ്ഡ്. ബംഗളൂരു, തുമകുരു, ഹാവേരി, മൈസൂരു, ബിദർ എന്നീ ജില്ലകളിലെ സര്‍ക്കാര്‍ ഉദ്യോഗസ്ഥരുടെ വീടുകളിലും ഓഫിസുകളിലുമാണ് ലോകായുക്ത പരിശോധന നടത്തിയത്, സര്‍ക്കാര്‍ ഉദ്യോഗസ്ഥര്‍ വരുമാനത്തില്‍ കവിഞ്ഞ് സ്വത്ത് സമ്പാദിക്കുന്നു എന്ന ആരോപണത്തിലാണ് നടപടി. ഉദ്യോഗസ്ഥരുടെ വരുമാന സ്രോതസ്, സ്വത്ത് രേഖകള്‍, ബാങ്ക് വിവരങ്ങള്‍ തുടങ്ങിയവയാണ് ലോകായുക്ത പരിശോധിക്കുന്നത്.
ബംഗളൂരുവില്‍ ബെസ്‌കോം ടെക്നിക്കല്‍ ഡയറക്ടര്‍ രമേശിന്റെയും ഇന്‍ഡസ്ട്രീസ് ആന്റ് ബോയിലര്‍ ഡെപ്യൂട്ടി ഡയറക്ടര്‍ ടി വി നാരായണപ്പയുടെ വീട്ടിലുമാണ് ഒരേസമയം പരിശോധന നടന്നത്.
തുമകുരു ജില്ലയിലെ ആര്‍ടി നഗറിലെ കെഐഎഡിബി ഉദ്യോഗസ്ഥന്‍ നരസിംഹമൂര്‍ത്തിയുടെ വീട്ടില്‍ ലോകായുക്ത ഡിഎസ്പിമാരായ മഞ്ജുനാഥ്, ഹരീഷ് എന്നിവരുടെ നേതൃത്വത്തില്‍ റെയ്ഡ് നടന്നു.
English Summary; Lokayukta raid in Karnataka
You may also like this video
