ബോളിവുഡ് നടന്‍ ഷാരൂഖ് ഖാന്റെ മകന്‍ ഉള്‍പ്പെട്ട മയക്കുമരുന്ന് കേസിലെ കുറ്റപത്രം സമര്‍പ്പിക്കാന്‍ നര്‍ക്കോട്ടിക് കണ്‍ട്രോള്‍ ബ്യൂറോയ്ക്ക് മുംബൈ കോടതി 60 ദിവസത്തെ കൂടുതല്‍ സമയം അനുവദിച്ചു. കുറ്റപത്രം സമര്‍പ്പിക്കാന്‍ മൂന്ന് മാസത്തെ സമയം ആവശ്യപ്പെട്ട് കഴിഞ്ഞമാസം അവസാനമാണ് മുംബൈ പ്രത്യേക കോടതിയെ സമീപിച്ചത്. എന്നാല്‍ രണ്ട് മാസത്തെ സമയമാണ് കോടതി അനുവദിച്ചത്.
നിരവധി കാരണങ്ങള്‍ ചൂണ്ടിക്കാട്ടിയാണ് എന്‍സിബി അധിക സമയത്തിനു വേണ്ടി കോടതിയില്‍ അപേക്ഷ നല്‍കിയത്. കേസില്‍ അറസ്റ്റിലായ 20 പേരും വിവിധ മേഖലകളില്‍ പ്രവര്‍ത്തിക്കുന്നതിനാല്‍ എല്ലാവരുടെയും മൊഴി രേഖപ്പെടുത്താന്‍ കഴിഞ്ഞിട്ടില്ല. പ്രതികളിൽ പലരും കൃത്യസമയത്ത് അന്വേഷണത്തിന് ഹാജരാകാത്തത് മനഃപൂർവമല്ലാത്ത കാലതാമസത്തിന് കാരണമായെന്നും എന്‍സിബി പറയുന്നു.
English summary;Luxury ship drunken party case; More time for NCB to file chargesheet
You may also like this video;
