സമൂഹമാധ്യമത്തിൽ സിനിമനടിമാർക്കെതിരെ അശ്ലീലപരാമർശം നടത്തിയെന്ന് കാട്ടി യുട്യുബർ സന്തോഷ് വർക്കിക്കെതിരെ (ആറാട്ടണ്ണൻ) ചലച്ചിത്ര നടി ഉഷ പരാതി നൽകി. ആലപ്പുഴ ഡിവൈ എസ് പി മധുബാബുവിനാണ് പരാതി നൽകിയത്. പ്രതി കൊച്ചി സ്വദേശിയായതിനാൽ എറണാകുളം നോർത്ത് സ്റ്റേഷനിലേക്ക് പരാതി കൈമാറി.
നടിമാരെ അധിക്ഷേപിക്കുന്ന പോസ്റ്റ് വിവാദമായപ്പോൾ സന്തോഷ് വർക്കി അത് നീക്കിയിരുന്നു. പോസ്റ്റിന്റെ സ്ക്രീൻഷോട്ട് സഹിതമാണ് പരാതി. കഴിഞ്ഞ 40വർഷമായി സിനിമമേഖലയിൽ പ്രവർത്തിക്കുന്ന തനിക്ക് ഇത് മാനസിക വിഷമത്തിന് കാരണമായി. സ്ത്രീത്വത്തെ അപമാനിക്കുന്ന പോസ്റ്റ് നടിയെന്ന നിലയിൽ തനിക്ക് അപമാനമുണ്ടാക്കിതായും പരാതിയിൽ പറയുന്നു.