മഹാരാഷ്ട്രയുടെ പുതിയ ഗവർണർ സ്ഥാനത്തേക്ക് തന്നെ പരിഗണിക്കുന്നുവെന്ന റിപ്പോർട്ടുകൾ ബിജെപി നേതാവും മുൻ പഞ്ചാബ് മുഖ്യമന്ത്രിയുമായ ക്യാപ്റ്റൻ അമരീന്ദർ സിങ് നിഷേധിച്ചു. എന്നിരുന്നാലും, പ്രധാനമന്ത്രി നരേന്ദ്ര മോഡി തന്നോട് ആവശ്യപ്പെടുന്നതെന്തും താൻ പിന്തുടരുമെന്നും 80 കാരനായ നേതാവ് കൂട്ടിച്ചേർത്തു.മഹാരാഷ്ട്ര ഗവർണർ സ്ഥാനത്തേക്ക് തന്നെ പരിഗണിക്കുമെന്ന ഊഹാപോഹങ്ങളോട് പ്രതികരിക്കുകയായായിരുന്നു അരമീന്ദര്‍ സിങ്.
ഇത് തികച്ചും ഊഹാപോഹമാണ്. എനിക്ക് അതിനെ കുറിച്ച് ഒന്നും അറിയില്ല.ആരും ഒന്നും സൂചിപ്പിച്ചില്ല. പ്രധാനമന്ത്രിക്ക് എവിടെ വേണമെങ്കിലും ഏത് സ്ഥാനത്തായാലും നിയമിക്കാന്‍ അവകാശമുണ്ടെന്നും സിങ് അഭിപ്രായപ്പെട്ടു. നിലവിലെ ഗവർണർ ഭഗത് സിംഗ് കോഷിയാരി സ്ഥാനമൊഴിയാൻ ആഗ്രഹം പ്രകടിപ്പിച്ചതിനാൽ അമരീന്ദർ സിങിനെ മഹാരാഷ്ട്രയുടെ പുതിയ ഗവർണറായി നിയമിക്കാൻ സാധ്യതയുണ്ടെന്ന് നിരവധി മാധ്യമ റിപ്പോർട്ടുകൾക്ക് പിന്നാലെയാണ് ഈ പ്രസ്താവന.
വലിയ വിവാദങ്ങളും മഹാരാഷ്ട്രയിൽ പ്രതിപക്ഷത്തിന്റെ രാജി ആഹ്വാനവും നേരിട്ട കോഷിയാരി, ഗവര്‍ണര്‍സ്ഥാനം ഒഴിയണെന്ന ആഗ്രഹം പ്രധാനമന്ത്രി നരേന്ദ്ര മോദിയെ അറിയിച്ചതായി പറയപ്പെടുന്നു2019 സെപ്റ്റംബറിലാണ് മഹാരാഷ്ട്ര ഗവർണറായി കോഷ്യാരിയെ നിയമിച്ചത്. ഔറംഗാബാദിലെ ഡോ. ബാബാസാഹെബ് അംബേദ്കർ മറാത്ത്‌വാഡ സർവകലാശാലയിൽ ഒരു ചടങ്ങിൽ സംസാരിക്കവെ ഛത്രപതി ശിവജി മഹാരാജിനെ പഴയ ഐക്കൺ എന്ന് വിശേഷിപ്പിച്ച അദ്ദേഹത്തിന്റെ പരാമർശം വിവാദത്തിന് കാരണമായി.
പാര്‍ട്ടി നേതാവ് നവജ്യോത് സിംഗ് സിദ്ദുവുമായുള്ള കടുത്ത അധികാര തർക്കത്തെത്തുടർന്നാണ് 2021 ൽ പഞ്ചാബ് മുഖ്യമന്ത്രി സ്ഥാനത്ത് നിന്ന് അപ്രതീക്ഷിതമായി നീക്കം ചെയ്യപ്പെട്ടതിന് ശേഷം അമരീന്ദർ സിങ് കോൺഗ്രസ് വിട്ടത് ശ്രദ്ധേയമാണ്. 2022ലെ പഞ്ചാബ് നിയമസഭാ തെരഞ്ഞെടുപ്പിൽ ഒരു സീറ്റും നേടാനാകാതെ സിങ് പിന്നീട് സ്വന്തം പാർട്ടിയായ പഞ്ചാബ് ലോക് കോൺഗ്രസ് സ്ഥാപിച്ചു.
ആംആദ്മി പാർട്ടി തകർപ്പൻ വിജയം നേടിയപ്പോൾ അദ്ദേഹം തന്നെ സ്വന്തം തട്ടകമായ പട്യാല അർബനിൽ നിന്ന് തോറ്റു.മാസങ്ങൾക്ക് ശേഷം, അമരീന്ദർ ബിജെപിയിൽ ചേരുകയും തന്റെ പഞ്ചാബ് ലോക് കോൺഗ്രസിനെ അതിൽ ലയിപ്പിക്കുകയും ചെയ്തു, ഇന്ത്യയുടെ താൽപ്പര്യങ്ങൾക്കും സുരക്ഷയ്ക്കും വേണ്ടിയുള്ള പ്രതിബദ്ധതയിൽ അതേ ആശയങ്ങൾഉള്ള പാർട്ടിയിലേക്ക് പോകേണ്ട സമയമാണിതെന്ന് ബിജെപിയില്‍ ചേര്‍ന്നപ്പോള്‍ അദ്ദേഹം പറഞ്ഞത്
English Summary:
Maharashtra Governorship: Amarinder Singh denied
You may also like this video:
