അയോഗ്യതയില്‍ അന്തിമ തീരുമാനം ഉണ്ടാകുന്നതുവരെ വിമത എംഎല്‍എമാരെ സസ്പെന്‍ഡ് ചെയ്യണമെന്നാവശ്യപ്പെട്ട് ശിവസേന ചീഫ് വിപ് സുനില്‍ പ്രഭു സുപ്രീം കോടതിയില്‍. ജസ്റ്റിസുമാരായ സൂര്യകാന്ത്, ജെ ബി പര്‍ഡിവാല എന്നിവരുടെ ബെഞ്ചിനു മുമ്പാകെ മുതിര്‍ന്ന അഭിഭാഷകന്‍ കപില്‍ സിബലാണ് ഹര്‍ജി പരാമര്‍ശിച്ചത്. കോടതി കണ്ണടയ്ക്കുകയല്ലെന്നും ഹര്‍ജിയില്‍ 11ന് വാദം കേള്‍ക്കുമെന്നും ജസ്റ്റിസ് സൂര്യകാന്ത് പറഞ്ഞു. ഏകനാഥ് ഷിന്‍ഡെയോട് തിങ്കളാഴ്ച നിയമസഭയില്‍ വിശ്വാസ വോട്ട് നേടണമെന്നാണ് ഗവര്‍ണര്‍ ഭഗത് സിങ് കോഷിയാരി ആവശ്യപ്പെട്ടിരിക്കുന്നത്.
English Summary:Maharashtra: Uddhav faction in Supreme Court again
You may also like this video
