ബംഗളൂരുവില്‍ മലയാളി യുവാവ് അജ്ഞാസംഘത്തിന്റെ കുത്തേറ്റ് മരിച്ചു. കാസർകോട് രാജപുരം പൈനിക്കരയിലെ ചേരുവേലിൽ തോംസണ്‍-ബീന ദമ്പതികളുടെ മകൻ സനു തോംസണ്‍ ( 30 ) നാണ് ബാംഗ്ലൂരിൽ കുത്തേറ്റ് മരിച്ചത്. വ്യാഴാഴ്ച രാത്രി 10.30 ഓടെ ജോലി കഴിഞ്ഞ് താമസസ്ഥലത്തേക്ക് പോകുംവഴി ബൈക്കിലെത്തിയ മൂന്നംഗ സംഘമാണ് അക്രമം നടത്തിയത്. കൊലപാതക കാരണം എന്താണെന്ന് വ്യക്തമല്ല. ആളുമാറി അക്രമം നടത്തിയതെന്നാണ് പൊലീസിന്റെ പ്രാഥമിക വിലയിരുത്തൽ. നെഞ്ചിലേറ്റ ആഴമേറിയ മുറിവാണ് മരണകാരണം. സനു സംഭവ സ്ഥലത്തു തന്നെ മരിച്ചു. ഇന്ന് രാവിലെയാണ് ബന്ധുക്കള്‍ക്ക് വിവരം ലഭിച്ചത്. ബംഗളുരു ജിഗിനിയിലെ ഇലക്ട്രോണിക് സിറ്റിയിൽ ടാറ്റ അഡ്വാൻസ് സിസ്റ്റം കമ്പനിയിൽ ഏഴുവർഷമായി ജോലി ചെയ്തുവരികയായിരുന്നു. ഒന്നരമാസം മുമ്പാണ് ലീവ് കഴിഞ്ഞു തിരിച്ചു ബംഗളുരുവിലേക്ക് പോയത്. സഹോദരങ്ങൾ:സനൽ (യുഎസ്എ), മരിയ.
English Summary: Malayalaee youth stabbed to de-ath at Bengaluru
You may like this video also
