ഇന്ന് 72 ാം പിറന്നാള്‍ ആഘോഷിക്കുന്ന മലയാളത്തിന്റെ മെഗാസ്റ്റാര്‍ മമ്മൂട്ടിയ്ക്ക് ജന്മദിനാശംസകള്‍ നേര്‍ന്ന് മുഖ്യമന്ത്രി പിണറായി വിജയന്‍. ഫേസ്ബുക്കിലൂടെയാണ് മുഖ്യമന്ത്രി മലയാളത്തിന്റെ താരത്തിളക്കത്തിന് ആശംസ നേര്‍ന്നത്. ആലുവയിലെ വീട്ടിലാണ് മമ്മൂട്ടി ഇത്തവണ പിറന്നാളാഘോഷിക്കുക. എല്ലാ വര്‍ഷത്തെയും പോലെ മമ്മൂട്ടി ആരാധകര്‍ ഇത്തവണയും വലിയ പരിപാടികളാണ് പിറന്നാള്‍ ദിനത്തോട് അനുബന്ധിച്ച് ഒരുക്കിയിരിക്കുന്നത്. മെഗാ രക്തദാന ക്യാമ്പ് ഉള്‍പ്പടെ വലിയ ആഘോഷ പരിപാടികള്‍ ആരാധകര്‍ നടത്തുന്നുണ്ട്.
എപ്പോഴത്തെയും പോലെ വരാനിരിക്കുന്ന മമ്മൂട്ടി ചിത്രങ്ങളുടെ അപ്ഡേറ്റും സിനിമാ പ്രേമികളും, മമ്മൂട്ടി ആരാധകരും പ്രതീക്ഷിക്കുന്ന ദിവസം കൂടിയാണ് സെപ്റ്റംബര്‍ 7.
റോബി വര്‍ഗീസ് രാജിന്റെ സംവിധാനത്തില്‍ റിലീസ് ചെയ്യാനിരിക്കുന്ന കണ്ണൂര്‍ സ്‌ക്വാഡിന്റെ ട്രെയ്‌ലറും, രാഹുല്‍ സദാശിവന്റെ സംവിധാനത്തില്‍ ഒരുങ്ങുന്ന ഭ്രമയുഗത്തിന്റെ സ്പെഷ്യല്‍ പോസ്റ്ററും നാളെ പുറത്തുവിടുമെന്ന് ഇതിനോടകം തന്നെ അണിയറ പ്രവര്‍ത്തകര്‍ അറിയിച്ചിട്ടുണ്ട്.
English Summary: Malayalam’s Mammootty at 72; The Chief Minister also conveyed his greetings
you may also like this video
