രാജസ്ഥാനിൽ മോഷണത്തിൽ പങ്കുണ്ടെന്ന് ആരോപിച്ച് മുടിമുറിച്ചതിനെത്തുടര്ന്ന് മനോവിഷമത്തില് യുവാവ് ആത്മഹത്യചെയ്തു. രാജസ്ഥാനിലെ നാഗൗർ ജില്ലയിലാണ് സംഭവം. കഴിഞ്ഞ ദിവസം മോഷണത്തിൽ പങ്കുണ്ടെന്ന് ആരോപിച്ച് ഒമാറാം ജാട്ടി(25) നെ അയൽവാസികൾ മർദ്ദിക്കുകയും ഇയാളുടെ തലമുടി മുറിക്കുകയും ചെയ്തിരുന്നു. ഇതിന്റെ വീഡിയോ സമൂഹമാധ്യമങ്ങളിൽ പ്രചരിപ്പിക്കുകയും ചെയ്തു. ഇതിൽ മനംനൊന്താണ് ബിക്കാനീറിലെ ജന്മനാട്ടിലേക്ക് തിരിച്ച് പോയ ജാട്ടി ആത്മഹത്യ ചെയ്തത്. വീഡിയോ ശ്രദ്ധയിൽപ്പെട്ടതിനെ തുടർന്ന് സംഭവത്തിൽ പൊലീസ് കേസെടുത്തു. സംഭവത്തെക്കുറിച്ച് സംസ്ഥാന മനുഷ്യാവകാശ കമ്മീഷൻ പൊലീസിനോടും ബിക്കാനീർ ഭരണകൂടത്തോടും വസ്തുതാ റിപ്പോർട്ട് തേടിയിട്ടുണ്ട്.
അന്ത്യകർമങ്ങൾക്കായി മൃതദേഹം കുടുംബാംഗങ്ങൾക്ക് കൈമാറിയതായി അധികൃതർ അറിയിച്ചു. ഐപിസി 202,306 വകുപ്പുകൾ പ്രകാരം അജ്ഞാതരായ ചിലർക്കെതിരെ നാഗൗർ പൊലീസ് കേസെടുത്തിട്ടുണ്ടെന്നും റിപ്പോര്ട്ടുകള് വ്യക്തമാക്കി.
English summary;Man Dies By Suicide After Cutting Of Hair In Rajasthan Over Theft Suspicion
You may also like this video;