കാസര്‍കോട് തൃക്കരിപ്പൂരില്‍ ഗൃഹനാഥനെ വീടിനുള്ളില്‍ മരിച്ച നിലയില്‍ കണ്ടെത്തി. പരത്തിച്ചാല്‍ സ്വദേശി എം വി ബാലകൃഷ്ണന്‍ (54) ആണ് മരിച്ചത്. വീടിനുള്ളില്‍ രക്തം വാര്‍ന്ന നിലയിലാണ് മൃതദേഹം കണ്ടെത്തിയത്. കുടുംബ പ്രശ്നത്തെ തുടര്‍ന്ന് ഇയാള്‍ വീട്ടില്‍ നിന്നും മാറി വാടകവീട്ടില്‍ താമസിക്കുകയായിരുന്നു. ഇവിടെയാണ് മൃതദേഹം കണ്ടെത്തിയത്.
രാത്രി വീട്ടില്‍ നിന്നും വലിയ ശബ്ദം കേട്ടിരുന്നുവെന്ന് നാട്ടുകാര്‍ പൊലീസില്‍ മൊഴി നല്‍കി. രാവിലെ അയല്‍വാസികളെത്തി നോക്കിയപ്പോഴാണ് രക്തം വാര്‍ന്ന നിലയില്‍ ഇയാളെ കണ്ടെത്തിയത്. തുടര്‍ന്ന് പൊലീസില്‍ വിവരമറിയിക്കുകയായിരുന്നു.
സംഭവസ്ഥലത്ത് നിന്നും മരുമകന്റെ തിരിച്ചറിയില്‍ രേഖ പൊലീസിന് ലഭിച്ചതാണ് കൊലപാതകമാണെന്ന സംശയം ബലപ്പെടുത്തുന്നത്. ഇയാള്‍ ഒളിവിലാണ്.
English Summary: man found dead in home kasargod
You may also like this video
