കേന്ദ്രസഹമന്ത്രി കൗശല്‍ കിഷോറിന്റെ വീട്ടില്‍വച്ച് യുവാവ് വെടിയേറ്റ് മരിച്ച സംഭവത്തില്‍ മന്ത്രിയുടെ മകനെതിരെ കേസെടുത്തു. വികാസ് കിഷോറിനെതിരെയാണ് ആയുധ നിയമപ്രകാരം പൊലീസ് കേസെടുത്തത്. കഴിഞ്ഞ ദിവസമാണ് കൗശല്‍ കിഷോറിന്റെ ലഖ്നൗവിലെ വീട്ടില്‍ യുവാവിനെ വെടിയേറ്റ് മരിച്ച നിലയില്‍ കണ്ടെത്തിയത്.
വികാസിന്റെ പേരിലുള്ള തോക്ക് ഉപയോഗിച്ചാണ് യുവാവിനെ മറ്റൊരാള്‍ വെടിവച്ചുകൊന്നതെന്ന് പൊലീസ് പറഞ്ഞു. കൊലക്കേസില്‍ വികാസിന്റെ മൂന്ന് സുഹൃത്തുക്കളാണ് പ്രതികള്‍. വീട്ടില്‍ സംഘടിപ്പിച്ച സല്‍ക്കാരത്തിനിടെയുണ്ടായ വാക്കുതര്‍ക്കമാണ് കൊലപാതകത്തിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം. സംഭവത്തില്‍ വിശദമായ അന്വേഷണം നടത്തുമെന്ന് പൊലീസ് പറഞ്ഞു.
English Summary: Man Shot Inside Union Minister’s Home: Police Books Kaushal Kishore’s Son Under Arms Act
You may also like this video
