മണിപ്പൂരിലെ സംഘര്‍ഷങ്ങളുടെ പശ്ചാത്തലത്തില്‍ സ്ഥിതിഗതികള്‍ വിലയിരുത്തുന്നതിനായി കേന്ദ്ര ആഭ്യന്തര മന്ത്രാലയത്തിന്റെ മുന്നംഗ സംഘം മണിപ്പൂര്‍ സന്ദര്‍ശിച്ചു. ഉപദേഷ്ടാവ് എം കെ മിശ്രയുടെ നേതൃത്വത്തിലുള്ള ആഭ്യന്തര മന്ത്രാലയ പാനല്‍ ഇന്നലെയാണ് മണിപ്പൂരില്‍ എത്തിയത്. എം കെ മിശ്ര, മന്ദീപ് സിങ്, കുംബ്ലെ എന്നിവരാണ് മൂന്നംഗ സംഘത്തിലുള്ളത്.
മണിപ്പൂരിലെ കുക്കി വിഭാഗവുമായി സംഘം കൂടിക്കാഴ്ച നടത്തി. മെയ്തേയ് സാമൂഹിക‑സാംസ്കാരിക സംഘടനയായ അറംബായ് തങ്കോളുമായി പ്രതിനിധി സംഘം പിന്നീട് കൂടിക്കാഴ്ച നടത്തുമെന്ന് അധികൃതർ അറിയിച്ചു. കഴിഞ്ഞ ദിവസം മണിപ്പൂരിൽ നടന്ന ഏറ്റമുട്ടലിൽ രണ്ട് പൊലീസ് ഉദ്യോഗസ്ഥർ കൊല്ലപ്പെട്ടിരുന്നു. കഴിഞ്ഞ വർഷം മെയിൽ ആരംഭിച്ച വംശീയ കലാപത്തിൽ 180 ലധികം ആളുകളാണ് ഇതുവരെ കൊല്ലപ്പെട്ടത്.
English Summary:
Manipur conflict: A three-member team of the Ministry of Home Affairs in Manipur to assess the situation
You may also like this video:
