മണിപ്പൂര് സംഘര്ഷവുമായി ബന്ധപ്പെട്ട് തീവ്ര മെയ്തെയ് സംഘടനയായ ആരാംബായ് തെങ്കോൽ നേതാവിനെ സിബിഐ അറസ്റ്റ് ചെയ്തു. ഇംഫാൽ വിമാനത്താവളത്തിൽ നിന്നാണ് കനൻ സിങിനെ സിബിഐ പിടികൂടിയത്. 2023ലെ മണിപ്പൂര് സംഘര്ഷവുമായി ബന്ധപ്പെട്ട ക്രിമിനൽ കുറ്റകൃത്യങ്ങളിൽ ഉള്പ്പെട്ടയാളാണെന്നാണ് സിബിഐ കണ്ടെത്തൽ. കനൻ സിങിന്റെ അറസ്റ്റിന് പിന്നാലെയാണ് മണിപ്പൂരിൽ വീണ്ടും സംഘര്ഷമുണ്ടായി. അഞ്ച് ജില്ലകളിലാണ് സംഘര്ഷമുണ്ടായത്. മണിപ്പൂരിലെ സംഘര്ഷവുമായി ബന്ധപ്പെട്ട് ക്രിമിനൽ കേസുകളിൽ പ്രതിയായ കനൻ സിങിനെ അറസ്റ്റ് ചെയ്തതായി സിബിഐ സ്ഥിരീകരിച്ചു. അതേസമയം, വീണ്ടും സംഘര്ഷം ഉണ്ടായ പശ്ചാത്തലത്തിൽ മണിപ്പൂരിലെ 25 എംഎൽഎമാരും ഒരു എംപിയും മണിപ്പൂര് ഗവര്ണര് അജയ് ഭല്ലയുമായി കൂടിക്കാഴ്ച നടത്തി.
മണിപ്പൂര് സംഘര്ഷം; മെയ്തെയ് സംഘടന നേതാവ് അറസ്റ്റിൽ
