പൊലിസിന്റെയും, സൈന്യത്തിന്റെയും ആയുധപ്പുരകള്‍ കൊള്ളടിച്ച് കവര്‍ന്ന ആയുധങ്ങള്‍ തരികെ ഏഴ് ദിവസത്തിനകം തിരികെയേല്‍പ്പിക്കണമെന്ന് ഉത്തരവിറക്കി മണിപ്പര്‍ ഗവര്‍ണര്‍ അജയ് ഭല്ല.സമയപരിധിക്കുള്ളില്‍ ആയുധങ്ങള്‍ തിരിച്ചേല്‍പ്പിക്കുന്നവര്‍ക്കെതിരെ നടപടിയുണ്ടാകില്ലെന്നും സമയപരിധി കഴിഞ്ഞാല്‍ ഇളവുണ്ടാകില്ലെന്നും ഉത്തരവില്‍ വ്യക്തമാക്കുന്നു.
2023 മെയ് മൂന്നിന് കുക്കി-മെയ്ത്തീ സംഘര്‍ഷം പൊട്ടിപ്പുറപ്പെട്ട ശേഷം പൊലീസ് സ്റ്റേഷനുകളില്‍നിന്നും സുരക്ഷസേനകളുടെ ആയുധപ്പുരകളില്‍ നിന്നും ഏകദേശം 6,000 തോക്കുകളെങ്കിലും കൊള്ളയടിച്ചെന്നാണ് കണക്ക്. എകെ, എം സീരീസ് അസള്‍ട്ട് റൈഫിളുകള്‍, റോക്കറ്റ് പ്രൊപ്പല്‍ഡ് ഗ്രനേഡുകള്‍, മിലിട്ടറി ഗ്രേഡ് മോര്‍ട്ടാറുകള്‍, സ്നൈപ്പര്‍ റൈഫിളുകള്‍, നിരീക്ഷണ ഡ്രോണുകള്‍ എന്നിവ സംഘര്‍ഷത്തില്‍ ഉപയോഗിക്കുന്നുണ്ട്. അമേരിക്കന്‍ നിര്‍മിത എം സീരീസ് അസള്‍ട്ട് റൈഫിളുകള്‍ അടക്കമുള്ളവയാണ് നഷ്ടപ്പെട്ടത്. ഇതില്‍ വളരെക്കുറച്ച് മാത്രമാണ് വീണ്ടെടുക്കാനായത്.