നാഷണൽ സെൻറർ ഫോർ സീസ്മോളജിയുടെ റിപ്പോർട്ടുകൾ പ്രകാരം മണിപ്പൂരിൽ ഇന്ന് തുടർച്ചയായി ഭൂചലനങ്ങൾ രേഖപ്പെടുത്തി. 5.2 തീവ്രത രേഖപ്പെടുത്തിയതായിരുന്നു ഏറ്റവും ശക്തിയേറിയത്. ഇന്ന് പുലർച്ചെ 1.54നാണ് ചുരാചന്ദ്പൂരിൽ എറ്റവുമധികം തീവ്രത രേഖപ്പെടുത്തിയ ഭൂചലനമുണ്ടായത്.
നോനി ജില്ലയിൽ പുലർച്ചെ 2.26ന് റിക്ടടർ സ്കെയിലിൽ സെക്കൻറിൽ 2.4 തീവ്രത രേഖപ്പെടുത്തിയ ഭൂചലനവും രാവിലെ 10.30ന് ചുരാചന്ദ്പൂരിൽ 3.9 തീവ്രത രേഖപ്പെടുത്തിയ ഭൂചലനവും അനുഭവപ്പെട്ടു. ആളപായമോ മറ്റ് നാശനഷ്ടങ്ങളോ ഇതുവരെ റിപ്പോർട്ട് ചെയ്തിട്ടില്ലെന്ന് അധികൃതർ അറിയിച്ചു.