മഹാരാഷ്ട്ര മുഖ്യമന്ത്രി ഉദ്ധവ് താക്കറെയുടെ ഭാര്യ രശ്മിയുടെ ചിത്രത്തിനു താഴെ ‘മറാഠ റാബ്രി ദേവി’ എന്നെഴുതി ട്വീറ്റ് ചെയ്ത ബിജെപി നേതാവിനെതിരെ പൊലീസ് കേസെടുത്തു. മഹാരാഷ്ട്ര ബിജെപി സോഷ്യൽ മീഡിയ കോ ഓർഡിനേറ്റർ ജിതൻ ഗജാരിയയ്ക്ക് എതിരെയാണ് കേസ്. ഗജാരിയയെ അറസ്റ്റ് ചെയ്യാൻ പുണെ പൊലീസ് മുംബൈയിൽ എത്തിയെങ്കിലും കണ്ടെത്താനായില്ല
.രശ്മി താക്കറെയ്ക്കു പുറമേ കോൺഗ്രസ് അധ്യക്ഷ സോണിയ ഗാന്ധി, എൻസിപി നേതാക്കളായ ശരദ്പവാർ, അജിത് പവാർ എന്നിവരുടെയും ചിത്രങ്ങൾ ഉപയോഗിച്ച് മോശംപരാമർശങ്ങൾ എഴുതിയെന്നാണ് കേസ്. ശിവസേന പ്രവർത്തകൻ നൽകിയ പരാതിയിൽ കഴിഞ്ഞ ദിവസം മുംബൈ പൊലീസ് ഗജാരിയയെ ചോദ്യം ചെയ്തിരുന്നു.
ബിഹാറിൽ ലാലു പ്രസാദ് യാദവ് തനിക്കു പകരം ഭാര്യ റാബറി ദേവിയെ മുഖ്യമന്ത്രിയാക്കിയതുപോലെ ഉദ്ധവും നീക്കം നടത്തുന്നു എന്നാണ് സൂചിപ്പിച്ചത്. ഉദ്ധവ് അസുഖബാധിതനാണെന്ന അഭ്യൂഹങ്ങളുടെപശ്ചാത്തലത്തിലാണ് ട്വീറ്റ്.
English summary: Maratha Rabbari Devi’s reference; Case against BJP leader
You may also like this video:
