ആമസോണ്‍ വനനശീകരണത്തിനെതിരെ പ്രവര്‍ത്തിക്കുന്ന വനിതാ ആക്ടിവിസ്റ്റ് മരീന സില്‍വയെ പരിസ്ഥിതി മന്ത്രിയായി നിയുക്ത പ്രസിഡന്റ് ലുല ഡ സില്‍വ പ്രഖ്യാപിച്ചു. ആമസോണ്‍ കാടുകളുടെ നശീകരണം തടയുന്നതുള്‍പ്പെടെയുള്ള സര്‍ക്കാരിന്റെ പരിസ്ഥിതി സംരക്ഷണ പ്രവര്‍ത്തനങ്ങളുടെ ആദ്യ പടിയായാണ് നീക്കത്തെ വിലയിരുത്തുന്നത്. ഈജിപ്തില്‍ നടന്ന യുഎന്‍ കാലാവസ്ഥാ ഉച്ചകോടിയില്‍ ലുലയ്ക്കൊപ്പം മരീന സില്‍വ പങ്കെടുത്തിരുന്നു.
ആമസോണ്‍ കാടുകളില്‍ വനനശീകരണം പൂര്‍ണമായും അവസാനിപ്പിക്കുമെന്ന് ലുല ഉറപ്പ് നല്‍കിയിരുന്നു. തദ്ദേശിയ വിഭാഗങ്ങളുടെ മന്ത്രിയായി ഗോത്രവിഭാഗക്കാരിയായ സോണിയ ഗുവജാജരയെ നിയമിച്ചു. സോയബീന്‍ കര്‍ഷകയായ കാര്‍ലോസ് ഫവേറൊയാണ് കൃഷി മന്ത്രി. 16 അംഗ കാബിനറ്റിനാണ് ലുല രൂപം നല്‍കിയിരിക്കുന്നത്. ഇതില്‍ 11 പേരും സ്ത്രീകളാണെന്നതാണ് മറ്റൊരു പ്രത്യേകത. പുതുവര്‍ഷത്തിലാണ് ലുല സര്‍ക്കാര്‍ അധികാരത്തിലേറുക.
English Summary: Marina Silva returns to Brazil’s environment ministry
You may also like this video
