കോവിഡ് കേസുകള്‍ വര്‍ധിക്കുന്ന സാഹചര്യത്തില്‍ മഹാരാഷ്ട്രയിലെ മുംബൈയില്‍ ബിഎംസി (ബ്രിഹന്‍ മുനിസിപ്പല്‍ കോര്‍പ്പറേഷന്‍) വിവാഹ രജിസ്ട്രേഷന്‍ താല്‍ക്കാലികമായി നിര്‍ത്തിവച്ചു.
നിലവിലെ കോവിഡ് സാഹചര്യം മുന്‍നിര്‍ത്തി മുംബൈയിലെ വിവാഹ രജിസ്ട്രേഷന്‍ താല്‍ക്കാലികമായി നിര്‍ത്തിവച്ചിരിക്കുകയാണ്. അപ്പോയിന്റ്മെന്റ് ഡേറ്റ്, സമയം എന്നീ സൗകര്യങ്ങള്‍ ഏര്‍പ്പെടുത്തിയശേഷം വിവാഹ രജിസ്ട്രേഷന്‍ സര്‍വീസ് ഉടന്‍ പുനസ്ഥാപിക്കുമെന്നും ബിഎംസി പുറത്തുവിട്ട പ്രസ്താവനയില്‍ വ്യക്തമാക്കി.
24 മണിക്കൂറിനിടെ 7,895 പുതിയ കോവിഡ് കേസുകളാണ് മുംബൈയില്‍ റിപ്പോര്‍ട്ട് ചെയ്തത്. ഇതോടെ മുംബൈയില്‍ ആകെ കോവിഡ് ബാധിതരുടെ എണ്ണം 9,99,826 ആയി ഉയര്‍ന്നു. 11 പേരാണ് കോവിഡ് ബാധിച്ച് മരിച്ചത്. 1738 പേര്‍ക്ക് ഒമിക്രോണും ബാധിച്ചിട്ടുണ്ട്.
English Summary: Marriage registration in Mumbai has been suspended
You may like this video also
