പാകിസ്ഥാൻ പൗരയെ വിവാഹം കഴിച്ചത് റിപ്പോർട്ട് ചെയ്തില്ല; സിആർപിഎഫ് ജവാനെതിരെ നടപടി

പാകിസ്ഥാൻ പൗരയെ വിവാഹം കഴിച്ചത് റിപ്പോർട്ട് ചെയ്യാത്ത സിആർപിഎഫ് ജവാനെതിരെ നടപടി. ജമ്മു സ്വദേശി മുനീർ അഹമ്മദിനെയാണ് സർവീസിൽ നിന്നും പിരിച്ചുവിട്ടത്. സിആർപിഎഫിന്റെ 41-ാം ബറ്റാലിയനിലാണ് അദ്ദേഹത്തെ അവസാനമായി നിയമിച്ചത്. അന്വേഷണം ആവശ്യമില്ലാത്ത നിയമങ്ങൾ പ്രകാരമാണ് അദ്ദേഹത്തെ സർവീസിൽ നിന്ന് പിരിച്ചുവിട്ടത് എന്ന് ഔദ്യോഗിക വൃത്തങ്ങൾ പറഞ്ഞു. ഒരു പാകിസ്ഥാൻ പൗരയുമായുള്ള വിവാഹം മറച്ചുവെച്ചതിനും വിസയുടെ സാധുതയ്ക്ക് പുറമേ അവളെ അറിഞ്ഞുകൊണ്ട് താമസിപ്പിച്ചതിനുമാണ് മുനീർ അഹമ്മദിനെ സർവീസിൽ നിന്ന് പിരിച്ചുവിട്ടത്.