മലപ്പുറത്ത് മച്ചിങ്ങലിൽ കാർ സ്പെയർ പാർട്സ് ഗോഡൗണിൽ വൻ തീപിടിത്തം. ഇന്നലെ ഉച്ചയ്ക്ക് രണ്ടരയോടെയാണ് തീപിടിത്തമുണ്ടായത്. മലപ്പുറം, പെരിന്തല്മണ്ണ, മഞ്ചേരി, തിരൂര്, തിരുവാലി എന്നിവിടങ്ങളില് നിന്നെത്തിയ നാല് യൂണിറ്റ് അഗ്നി രക്ഷാ സേന രണ്ട് മണിക്കൂറോളം പരിശ്രമിച്ചാണ് തീയണച്ചത്. അപകട സമയത്ത് സ്ഥാപനത്തിലുണ്ടായിരുന്ന തൊഴിലാളികൾ ഓടിരക്ഷപ്പെട്ടതിനാൽ ആളപായം ഉണ്ടായില്ല. തീപിടിത്തത്തിൻറെ കാരണം വ്യക്തമല്ല.
കോഡൂര് സ്വദേശി വലിയാട് പിലാത്തോട്ടത്തില് സാലിഹിന്റെ ഉടമസ്ഥതയിലുള്ളതാണ് സ്പെയര് പാര്ട്സ് ഗോഡൗണ്. സ്ഥാപനത്തിലെ കാറിന്റെ പാര്ട്സുകള് സൂക്ഷിച്ചിരുന്ന ഗോഡൗണിൽ നിന്നാണ് തീപടർന്നത്. കടയ്ക്കുള്ളിൽ ശേഖരിച്ച് വെച്ച ടയറുകളടക്കം പാര്ട്സുകളാണ് കത്തിനശിച്ചത്. ലക്ഷങ്ങളുടെ നഷ്ടമുണ്ടായതായാണ് പ്രാഥമിക കണക്ക്.