മഹാരാഷ്ട്രയിൽ ആർത്തവ രക്തം ശേഖരിച്ച് ദുര്‍മന്ത്രവാദത്തിനായി 50,000 രൂപയ്ക്ക് വിറ്റെന്ന യുവതിയുടെ പരാതിയിൽ ഭർത്താവിനും ബന്ധുക്കള്‍ക്കുമുള്‍പ്പെടെ ഏഴ് പേര്‍ക്കെതിരെ കേസ്. 2019ല്‍ വിവാഹം കഴിഞ്ഞതു മുതൽ ഭർതൃവീട്ടുകാർ തന്നെ ശല്യപ്പെടുത്തുന്നുണ്ടെന്നും യുവതി പൊലീസിനോട് പറഞ്ഞു. ഐപിസി 377, 354, 498 പ്രകാരവും കൂടാതെ മറ്റു പ്രസക്തമായ വകുപ്പുകൾ പ്രകാരവുമാണ് കേസെടുത്തിരിക്കുന്നത്.
2022 ഓഗസ്റ്റിൽ മഹാരാഷ്ട്രയിലെ ബീഡ് ജില്ലയിലാണ് സംഭവം നടന്നത്. യുവതിയുടെ ആർത്തവകാലത്ത് പ്രതികൾ കൈകളും കാലുകളും കെട്ടിയിട്ടശേഷം ആർത്തവ രക്തം ശേഖരിച്ച് ദുര്‍മന്ത്രവാദത്തിനായി 50,000 രൂപയ്ക്ക് വിറ്റു. സംഭവത്തെക്കുറിച്ച് യുവതി മാതാപിതാക്കളോട് പറയുകയും തുടർന്ന് പൊലീസിൽ പരാതി നൽകുകയുമായിരുന്നു.
English Summary;In-laws sell menstrual blood for witchcraft for half a lakh rupees
You may also like this video
