വാക്സിന്‍ ഡോസുകള്‍ പാഴാകുന്നതിനെത്തുടര്‍ന്ന് വാക്സിന്‍ ഉല്പാദനം നിര്‍ത്തിവച്ചതായി ആഗോള വാക്സിൻ നിർമ്മാതാക്കളായ സിറം ഇന്‍സ്റ്റിട്ട്യൂട്ട് ഓഫ് ഇന്ത്യ(സിഐഐ) . ഡിസംബറില്‍ വാക്സിന്‍ ഉല്പാദനം നിര്‍ത്തിവച്ചതായും സിഐഐ വ്യക്തമാക്കി. വാക്സിന്‍ ഡോസുകള്‍ കാലഹരണപ്പെട്ടാല്‍ പാഴാകുമെന്ന് ആശങ്കയുണ്ടെന്നും ചീഫ് എക്‌സിക്യൂട്ടീവ് ഓഫീസർ അഡാർ പൂനാവാല പറഞ്ഞു. ആരെങ്കിലും എടുക്കാൻ ആഗ്രഹിക്കുന്നുവെങ്കില്‍ സൗജന്യമായി വാക്സിന്‍ സംഭാവന ചെയ്യാന്‍ തയ്യാറാണെന്നും അദ്ദേഹം പറഞ്ഞു.
വാക്സിനുകള്‍ വന്‍തോതില്‍ ശേഖരിക്കപ്പെടുന്നതും ചൈന പോലുള്ള രാജ്യങ്ങള്‍ വൈറസിനൊപ്പം ജീവിക്കാന്‍ ശ്രമിക്കുന്നതുമെല്ലാം വാക്സിന്‍ വിതരണത്തെ ബാധിച്ചു.
നിലവില്‍ 18 വയസിനു മുകളിലുള്ള എല്ലാവര്‍ക്കും ബൂസ്റ്റര്‍ ഡോസ് നല്‍കുന്നതിന് സര്‍ക്കാര്‍ അനുമതി നല്‍കിയിട്ടുണ്ട്. വാക്സിന്‍ സ്വീകരിക്കുന്നതിനുള്ള ഇടവേള എട്ട് മാസത്തില്‍ നിന്ന് സര്‍ക്കാര്‍ ആറ് മാസമായി ചുരുക്കണമെന്നും സിറം ഇന്‍സ്റ്റിട്ട്യൂട്ട് പറയുന്നു.
English Summary: Millions of doses are wasted: Serum Institute suspends vaccine production
You may like this video also
