കേരളത്തിൻ്റെ സാമൂഹിക മാറ്റത്തിന് വളരെയേറെ നിർണ്ണായക പങ്ക് വഹിച്ച വ്യക്തിയാണ് മഹാത്മാ അയ്യൻകാളി എന്ന് മന്ത്രി ജി ആർ അനിൽ. തിരുവനന്തപുരത്ത് വെള്ളയബലം അയ്യൻകാളി സ്ക്വയറിൽ കെപിഎംഎസ് ജില്ലാകമ്മിറ്റി സംഘടിപ്പിച്ച അയ്യൻകാളി അവിട്ട ദിനാഘോഷ സമ്മേളനം ഉത്‌ഘാടനം ചെയ്തു സംസാരിക്കുകയായിരുന്നു മന്ത്രി.
രാജഭരണത്തിന് എതിരായും , ആ കാലഘട്ടത്തിലെ സാമൂഹിക വ്യവസ്ഥക്ക് എതിരെയും ഉള്ള അയ്യൻകാളിയുടെ വാക്കുകളും പ്രവർത്തികളും കേരളത്തിൽ മാത്രമല്ല ഇന്ത്യ ഒട്ടാകെ അവശത അനുഭവിക്കുന്ന ജനവിഭാഗങ്ങളെ സംബന്ധിച്ച് അവർക്ക് ഉയർത്ത് എഴുന്നേൽപ്പിൻ്റെ വാക്കുകളായി മാറ്റാൻ കഴിഞ്ഞു. ഓണത്തിന് മുമ്പ് ആദിവാസി മേഖലയിൽ ഉൾപ്പെടെ ഓണ കിറ്റ് എല്ലാ വിഭാഗം ജനങ്ങൾക്കും പരാതി രഹിതമായി നൽകാൻ കഴിഞ്ഞതിൽ സന്തോഷം ഉണ്ട് എന്നും അദ്ദേഹം പറഞ്ഞു. കെപിഎംഎസ് ജനറൽ സെക്രട്ടറി പുന്നലശ്രീകുമാർ, മുൻ സ്പീക്കർ എം വിജയകുമാർ, കെപിഎംഎസ് ജില്ലാപ്രസിഡൻ്റ് ജി വിജയൻ തുടങ്ങിയവർ പങ്കെടുത്തു.
English Summary: Mahatma Ayyankali is a person who played a decisive role in the social change of Kerala: Minister GR Anil
You may also like this video
