എൻഡോസൾഫാൻ ദുരിതബാധിതരുടെ പ്രശ്‌നങ്ങൾ പരിഹരിക്കണമെന്നാവശ്യപ്പെട്ട് സാമൂഹിക പ്രവർത്തക ദയാബായി രണ്ടാഴ്‌ചയായി നടത്തിവന്ന നിരാഹാര സമരം അവസാനിപ്പിച്ചു. നിരാഹാര സമരം അവസാനിപ്പിക്കുകയാണെന്നും നിലവില്‍, സര്‍ക്കാര്‍ തന്ന ഉറപ്പുകള്‍ പാലിക്കുമെന്ന് വിശ്വാസമുണ്ടെന്നും ദയാബായി പറഞ്ഞു. മന്ത്രിമാരായ വീണാ ജോർജും ആർ ബിന്ദുവും കുടിക്കാന്‍ വെള്ളം കൊടുത്ത് ദയാബായിയുടെ സമരം അവസാനിപ്പിക്കുകയായിരുന്നു.മുഖ്യമന്ത്രിയുടെ നിർദ്ദേശപ്രകാരമാണ് ഉന്നതവിദ്യാഭ്യാസ മന്ത്രി ആർ.ബിന്ദുവും ആരോഗ്യമന്ത്രി വീണാ ജോർജും ചര്‍ച്ചക്ക് എത്തിയത്.
എൻഡോസൾഫാൻ ഇരകൾക്ക് ചികിത്സാ സഹായം സർക്കാർ ഉറപ്പാക്കുമെന്നും സർക്കാരിന് എൻഡോസൾഫാൻ ദുരിത ബാധിതരുടെ കാര്യത്തിൽ ഒരു അവ്യക്തതയും ഇല്ലെന്നു മുഖ്യമന്ത്രി പിണറായി വിജയന്‍ കഴിഞ്ഞ ദിവസം തന്നെ വ്യക്തമാക്കിയിരുന്നു.
കാസർകോട് മെഡിക്കൽ കോളേജിൽ എൻഡോസൾഫാൻ ദുരിതബാധിതർക്ക് മുൻഗണന നൽകി വരുന്നുണ്ട്. അത് ഇനിയും തുടരും. കാസർകോട് മെഡിക്കൽ ക്യാംപുകളും സംഘടിപ്പിക്കും. സർക്കാർ നൽകിയ ഉറപ്പുകൾ തീർച്ചയായും നടപ്പിലാക്കുമെന്നും അതിനാൽ സമരത്തിൽ നിന്ന് പിൻമാറണമെന്നും മുഖ്യമന്ത്രി ദയാബായിയോട് ആവശ്യപ്പെട്ടിരുന്നു. രണ്ടാഴ്ച്ചയിൽ കൂടുതലായി സെക്രട്ടറിയേറ്റിൽ നടത്തി വരുന്ന നിരാഹര സമരവേദിയിൽ നിന്നും കഴിഞ്ഞ ദിവസം ദയാബായിയെ പൊലീസ് ഇടപ്പെട്ട് ജനറൽ ആശുപത്രിയിലേയ്ക്ക് മാറ്റിയിരുന്നു.
English Summary:Ministers Veena George and R. Bindu visited the hospital and offered to end the strike dayabahi
You may also like this video
