ശ്രീലങ്കയില്‍ മന്ത്രി സഞ്ചരിച്ച വാഹനം അപകടത്തില്‍പ്പെട്ട് മന്ത്രിയുള്‍പ്പെടെ മൂന്നുപേര്‍ കൊ ല്ലപ്പെട്ടു. ജലവിഭവ വകുപ്പ് മന്ത്രി സനത് നിഷാന്ത്(48) ആണ് മരിച്ചത്. ഇദ്ദേഹത്തിനൊപ്പം യാത്ര ചെയ്ത സുരക്ഷാ ജീവനക്കാരനും ഡ്രൈവറും അപകടത്തില്‍ മരിച്ചു.
കൊളംബോ എക്‌സപ്രസ് വേയില്‍ ഇന്ന് പുലര്‍ച്ചെയായിരുന്നു അപകടം. 3 പേരും സംഭവ സ്ഥലത്ത് വച്ചു തന്നെ മരിച്ചു. കൊളംബോയിലേക്ക് പോകുന്ന വഴിയിൽ അതേ ദിശയിലെത്തിയ ട്രക്കും മന്ത്രിയുടെ ജീപ്പും കൂട്ടിയിടിച്ചാണ് അപകടമുണ്ടായത്. അപകടത്തില്‍ വാഹനം പൂർണമായും തകർന്നു. അപകടത്തെക്കുറിച്ച് കണ്ഡാന പൊലീസ് അന്വേഷണം ആരംഭിച്ചിട്ടുണ്ട്.
English Summary: Minister’s vehicle meets with accident in Sri Lanka: Three dead including minister
You may also like this video
