അന്താരാഷ്ട്ര വിമാനയാത്രയിലെ കോവിഡ് നിയന്ത്രണങ്ങളില് ഇളവ് വരുത്തി കേന്ദ്ര വ്യോമയാന മന്ത്രാലയം. ക്യാബിൻ ക്രൂ അംഗങ്ങൾ പിപിഇ കിറ്റ് ധരിക്കേണ്ടതില്ലെന്നും അന്താരാഷ്ട്ര വിമാനങ്ങളിൽ മെഡിക്കൽ ആവശ്യങ്ങള്ക്കായി വിമാനക്കമ്പനികൾ മൂന്ന് സീറ്റുകൾ ഒഴിച്ചിടേണ്ടതില്ലെന്നും വ്യോമയാന മന്ത്രാലയം പുറത്തിറക്കിയ ഉത്തരവില് പറയുന്നു.
അതേസമയം മാസ്ക്, ശാരീരീക അകലം പാലിക്കല്, സാനിറ്റൈസറുടെ ഉപയോഗം തുടങ്ങിയവയിലൊന്നും വിട്ടുവീഴ്ച വരുത്തില്ലെന്നും മന്ത്രാലയം പുറത്തുവിട്ട പ്രസ്താവനയില് പറയുന്നു.
കോവിഡ് കേസുകളില് കുറവ് രേഖപ്പെടുത്തിയ പശ്ചാത്തലത്തിലാണ് തീരുമാനം. ഫെബ്രുവരിയിൽ ഏകദേശം 76.96 ലക്ഷം ആഭ്യന്തര യാത്രക്കാർ വിമാനത്തിൽ യാത്ര ചെയ്തു, ജനുവരിയിലേതിനേക്കാൾ ഏകദേശം 20 ശതമാനം കൂടുതലാണിതെന്നും മന്ത്രാലയം പുറത്തുവിട്ട കണക്കുകളില് വ്യക്തമാക്കുന്നു.
English Summary: Ministry of Civil Aviation relaxes domestic travel rules
You may like this video also