ഉക്രെയ്ൻ – പോളണ്ട് അതിർത്തിയിലുണ്ടായ റഷ്യന്‍ മിസൈല്‍ ആക്രമണത്തില്‍ രണ്ട് പേര്‍ കൊല്ലപ്പെട്ടതായി റിപ്പോര്‍ട്ട്. ഉക്രെയ്ൻ അതിര്‍ത്തിയില്‍ നിന്ന് പതിനഞ്ച് മൈല്‍ അകലെയുള്ള പോളണ്ടിന്‌‍റെ ഭാഗത്താണ് മിസൈല്‍ വന്ന് പതിച്ചത്. ആക്രമണത്തിന് പിന്നിൽ റഷ്യയെന്നാണ് ഉക്രെയ്ൻ ആരോപിക്കുന്നത്.
എന്നാല്‍ പോളണ്ട് അതിര്‍ത്തിയിലേക്ക് മിസൈല്‍ അയച്ചിട്ടില്ലെന്നാണ് റഷ്യന്‍ ആഭ്യന്തര മന്ത്രാലയം പറയുന്നത്. ആക്രമണത്തേക്കുറിച്ച് നാറ്റോ പോളണ്ടിനോട് റിപ്പോര്‍ട്ട് തേടിയിട്ടുണ്ട്. മേഖലയിലെ സ്ഥിതിഗതികള്‍ നിരീക്ഷിച്ചു വരികയാണെന്നും നാറ്റോ അംഗരാജ്യങ്ങളുടെ അടിയന്തരയോഗം ഇന്ന് ബ്രസല്‍സില്‍ ചേരുമെന്നും നാറ്റോ സെക്രട്ടറി ജനറല്‍ ജെന്‍സ് സ്‌റ്റോൾട്ടന്‍ബെര്‍ഗ് പറഞ്ഞു.
English Summary:Missile attack on Ukraine-Poland border; Two deaths
You may also like this video
