നേപ്പാളിലെ അന്നപൂര്ണ കൊടുമുടി കീഴടക്കുന്നതിനിടെ കാണാതായ പര്വതരോഹകനെ കണ്ടെത്തി. ഇന്ത്യന് പര്വതാരോഹകനായ അനുരാഗ് മാലുവിനെയാണ് അവശനിലയില് കണ്ടെത്തിയത്. അദ്ദേഹത്തെ ആശുപത്രിയില് പ്രവേശിപ്പിച്ചെങ്കിലും ആരോഗ്യനില ഗുരുതരമായി തുടരുകയാണെന്നാണ് റിപ്പോര്ട്ടുകള്.
രാജസ്ഥാന് സ്വദേശിയായ അനുരാഗിനെ തിങ്കളാഴ്ച മുതല് കാണാതാവുകയായിരുന്നു. അന്നപൂര്ണയില് നിന്ന് തിരിച്ചിറങ്ങുന്നതിനിടെ ആറായിരം മീറ്റര് ഉയരത്തില്വെച്ച് ഒരു വിള്ളലിലേക്ക് വഴുതി വീണാണ് അനുരാഗിനെ കാണാതായത്.
കഴിഞ്ഞ ദിവസം ഇന്ത്യക്കാരായ ബല്ജീത് കൗറും അര്ജുന് വാജ്പേയും ഉള്പ്പടെ അഞ്ച് പര്വതാരോഹകരെ അന്നപൂര്ണയില് നിന്ന് രക്ഷപ്പെടുത്തിയിരുന്നു. കടല്നിരപ്പില്നിന്ന് 8091 മീറ്റര് ഉയരത്തില് സ്ഥിതിചെയ്യുന്ന അന്നപൂര്ണ ലോകത്തെ ഏറ്റവും ഉയരമുള്ള പത്താമത്തെ കൊടുമുടിയാണ്.
English Summary: Missing Indian climber Anurag Maloo found alive after three days
You may also like this video