ഇന്ത്യൻ ഓവർസീസ് ബാങ്കുമായി (ഐഒബി) ബന്ധപ്പെട്ട 180 കോടി രൂപയുടെ വായ്പാ തട്ടിപ്പ് കേസില്‍ ഒളിവിൽ കഴിയുന്ന വ്യവസായി വിജയ് മല്യയ്ക്കെതിരെ ജാമ്യമില്ലാ വാറണ്ട് പുറപ്പെടുവിച്ചു. മുംബൈ പ്രത്യേക സിബിഐ കോടതി ജഡ്ജി എ‌സ‌്പി നായിക് നിംബാൽക്കറുടെതാണ് ഉത്തരവ്.
കിങ്ഫിഷർ എയർലൈൻസിന്റെ പേരിലെടുത്ത വായ്പ തിരിച്ചടയ്ക്കുന്നതിൽ മനഃപൂർവം വീഴ്ച വരുത്തുകയും ബാങ്കിന് 180 കോടിയിലധികം രൂപയുടെ നഷ്ടം വരുത്തിയെന്നുമാണ് കേസ്. 2007–2012 കാലഘട്ടത്തിൽ ബാങ്കിൽ നിന്ന് കിങ്ഫിഷർ എയർലൈൻസ് നേടിയ വായ്പ വകമാറ്റിയെന്നാരോപിച്ച് സിബിഐ രജിസ്റ്റർ ചെയ്ത തട്ടിപ്പ് കേസിലാണ് വാറണ്ട്. കള്ളപ്പണം വെളുപ്പിക്കൽ കേസിൽ ഒളിവിൽ പോയ വിജയ് മല്യയെ സാമ്പത്തിക കുറ്റവാളിയായി പ്രഖ്യാപിച്ചിട്ടുണ്ട്.
English Summary: Missing woman murdered in Mannar: Four in custody
You may also like this video
