പെട്രോൾ പമ്പിൽ മൊബൈല്‍ ഫോണ്‍ ഉപയോഗിക്കുന്നതിനിടെ തീപടര്‍ന്ന് യുവതി മരിച്ചു. കര്‍ണാടകയിലെ തുംകൂർ ജില്ലയിലാണ് സംഭവം. 18‑കാരിയായ ഭവ്യയാണ് മരിച്ചത്.പ്ലാസ്റ്റിക്ക് കാനിൽ പെട്രോൾ നിറക്കുന്നതിതിനിടെ തീ ആളിപ്പടര്‍ന്നത് .
ഭവ്യയും മാതാവ് രത്നമ്മ(46)യുമാണ് സ്കൂട്ടറിൽ പെട്രോൾ പമ്പിൽ എത്തിയത്. ബൈക്കിൽ നിന്നിറങ്ങി രത്നമ്മ കുറച്ചു ദൂരത്തായി നിൽക്കുകയായിരുന്നു.
ഈ സമയം ഭവ്യ മൊബൈൽ ഉപയോഗിച്ച് കൊണ്ട് ബൈക്കിൽ ഇരിക്കുകയായിരുന്നു. പെട്രോൾ പമ്പിലെ ജീവനക്കാരൻ ഭവ്യ നൽകിയ പ്ലാസ്റ്റിക് ക്യാനിൽ പെട്രോൾ നിറച്ചു കൊടുക്കുന്നതിനിടെ തീ ആളിപ്പടരുകയായിരുന്നു. മൊബൈൽ ഫോണ്‍ ഉപയോഗിച്ചതാകാം തീപിടിത്തമുണ്ടാകാന്‍ കാരണമെന്ന് വിവരം. ഗുരുതരമായി പരിക്കേറ്റ ഭവ്യ ബംഗളൂരുവിലെ വിക്ടോറിയ ആശുപത്രിയിൽ ചികിത്സയിലിരിക്കെയാണ് മരിച്ചത്. സാരമായി പൊള്ളലേറ്റ രത്നമ്മയുടെ ആരോഗ്യനിലയിൽ ആശങ്കയില്ലെന്ന് ആശുപത്രി അധികൃതര്‍ അറിയിച്ചു. സംഭവത്തിന്റെ സിസിടിവി ദൃശ്യങ്ങളും പുറത്ത് വന്നു.
English Summary; Mobile phone use at petrol pump; Tragic end of young woman caught on fire, video
You may also like this video
