പ്രധാനമന്ത്രി നരേന്ദ്രമോഡി തെരഞ്ഞെടുപ്പ് ചട്ടലംഘനം നടത്തിയെന്ന് കാണിച്ച് തൃണമൂല്‍ കോണ്‍ഗ്രസ് വക്താവും രാജ്യസഭാ എംപിയുമായ സങ്കേത് ഗോഖലെ തെരഞ്ഞെടുപ്പ് കമ്മിഷന് പരാതി നല്‍കി. ചത്തീസ്ഗഡിലെ ദൂര്‍ഗില്‍ നടത്തിയ തെരഞ്ഞെടുപ്പ് റാലിക്കിടെയാണ് സൗജന്യ റേഷന്‍ അഞ്ചുവര്‍ഷത്തേയ്ക്ക് കൂടി നീട്ടുമെന്ന് മോഡി പ്രഖ്യാപിച്ചത്. തെരഞ്ഞെടുപ്പ് സമയത്തെ മന്ത്രിമാരുടെ നയപ്രഖ്യാപനങ്ങളെ ജനങ്ങളെ സ്വാധീനിക്കാനുള്ള തന്ത്രമായാണ് വിലയിരുത്തുന്നത്. ഏതെങ്കിലും തരത്തില്‍ അടിയന്തരപ്രാധാന്യമുള്ള വിഷയമായിരുന്നില്ല മോഡിയുടെ പ്രഖ്യാപനമെന്നും കത്തില്‍ പറയുന്നു. ഇത്തരത്തിലൊരു പ്രഖ്യാപനത്തിന്റെ ഉദ്ദേശ്യം വോട്ടർമാരെ സ്വാധീനിക്കുകയെന്നത് മാത്രമാണെന്നും പരാതിയില്‍ പറയുന്നു.
English Summary:Modi broke the law; Filed a complaint to the Election Commission
You may also like this video
