‘മോഡി വിഷപ്പാമ്പ്’; തൊടാന്‍ ശ്രമിച്ചാല്‍ മരണം ഉറപ്പ്: പ്രധാനമന്ത്രിയ്ക്കെതിരെ രൂക്ഷ വിമര്‍ശനവുമായി മല്ലികാര്‍ജ്ജുന്‍ ഖാര്‍ഗെ

പ്രധാനമന്ത്രിക്കെതിരെ രൂക്ഷമായ വിമർശനവുമായി കോൺഗ്രസ് അധ്യക്ഷൻ മല്ലികാർജുൻ ഖാർഗെ. പ്രധാനമന്ത്രി നരേന്ദ്ര മോഡിയെ ‘വിഷമുള്ള പാമ്പിനോട്’ ഉപമിച്ചുകൊണ്ടായിരുന്നു ഖാര്‍ഗെയുടെ വിമര്‍ശനം.

“പ്രധാനമന്ത്രി മോഡി ഒരു ‘വിഷമുള്ള പാമ്പിനെ’ പോലെയാണ്. നക്കി നോക്കിയാൽ നിങ്ങൾ ചത്തുപോകും,” കർണാടകയിലെ കലബുറഗിയിൽ നടന്ന റാലിയിൽ ഖാർഗെ പറഞ്ഞു.

അതേസമയം പ്രധാനമന്ത്രിയെ ഉദ്ദേശിച്ചല്ല പറഞ്ഞതെന്നും ബിജെപിയുടെ പ്രത്യയശാസ്ത്രത്തെയാണ് വിഷപ്പാമ്പിനോട് ഉപമിച്ചതെന്നും ഖാര്‍ഗെ പിന്നീട് തിരുത്തി. മോഡിയെ വ്യക്തിപരമായി പറഞ്ഞതല്ലെന്നും ഖാർഗെ പിന്നീട് ന്യായീകരിച്ചു. പ്രധാനമന്ത്രി മോഡിയെ രാഷ്ട്രീയമായി നേരിടാൻ കോൺഗ്രസിന് കഴിയില്ലെന്നും ആ നിരാശയിൽ നിന്നാണ് ഇത്തരം ചിന്തകൾ ഉടലെടുക്കുന്നതെന്നും കർണാടക മുഖ്യമന്ത്രി ബസവരാജ് ബൊമ്മൈ പറഞ്ഞു.

Eng­lish Sum­ma­ry: ‘Modi Ven­omous Snake’; If you try to touch it, death is guar­an­teed: Mallikar­jun Kharge crit­i­cizes the Prime Minister

You may also like this video