വിവാഹ ദിവസത്തെ ചിലവ് ചുരുക്കി മുഖ്യമന്ത്രിയുടെ വയനാട് ദുരിതാശ്വാസ നിധിയിലേക്ക് വധൂവരൻമാർ സംഭാവന നൽകി. കായലോര കടലോര മത്സ്യത്തൊഴിലാളി യൂണിയൻ ആലപ്പുഴ ജില്ലാ ജനറൽ സെക്രട്ടറിയും സിപിഐ ജില്ലാ കൗൺസിലംഗവുമായ പുന്തല വെളിംപറമ്പിൽ വി സി മധു, വിശ്വകുമാരി ദമ്പതികളുടെ മകൾ ദൃശ്യമധുവും ആനന്ദേശ്വരം വളാന്തറ ശശികുമാർ പ്രസന്നകുമാരി ദമ്പതികളുടെ മകൻ നിധിൻകുമാറിന്റേയും വിവാഹ ചടങ്ങിൽ വെച്ച് കൃഷി മന്ത്രി പി പ്രസാദിന് ദമ്പതികൾ ചെക്ക് കൈമാറി. അമ്പലപ്പുഴ മാനസമീര ഓഡിറ്റോറിയത്തിൻ നടന്ന ചടങ്ങിൽ സിപിഐ ജില്ലാ സെക്രട്ടറി ടി ജെ ആഞ്ചലോസ്, ജില്ലാ അസിസ്റ്റന്റ് സെക്രട്ടറി പി വി സത്യനേശൻ, എംഎൽഎ മാരായ എച്ച് സലാം, പി പി ചിത്തരഞ്ജൻ, വി. ദിനകരൻ തുടങ്ങിയവർ പങ്കെടുത്തു.
വിവാഹ ചിലവ് ചുരുക്കിയ പണം വയനാട് ദുരിതാശ്വാസ നിധിയിലേക്ക്; മാതൃകയായി ദമ്പതികൾ
