നൂറനാട് വിഷ്വൽ മീഡിയ റിസർച്ച് സെന്റർ ആന്റ് ഫിലിം സൊസൈറ്റി സിൽവർ ജൂബിലി ആഘോഷങ്ങളുടെ ഭാഗമായി മൂന്നു ദിവസങ്ങളിലായി നടന്ന മൺസൂൺ അന്താരാഷ്ട്ര ചലച്ചിത്രോത്സവം സമാപിച്ചു. സമാപന ചടങ്ങില്‍ സംവിധായകൻ അടൂർ ഗോപാലകൃഷ്ണനെ മന്ത്രി സജി ചെറിയാൻ ആദരിച്ചു. അടൂരിന്റെ പള്ളിക്കൽ മേടയിലുള്ള തറവാട്ട് വീട്ടിൽ വച്ചായിരുന്നു സമാപന സമ്മേളനം.
ഫെസ്റ്റിവൽ ഡയറക്ടർ സി റഹീം അദ്ധ്യക്ഷത വഹിച്ചു. എൻ വി രവീന്ദ്രൻ നായർ അടൂർ ചിത്രങ്ങളെപ്പറ്റിയുള്ള അവലോകനം നടത്തി. പള്ളിക്കൽ ഗ്രാമ പഞ്ചായത്ത് പ്രസിഡന്റ് സുശീലക്കുഞ്ഞമ്മ കുറുപ്പ്, വായനശാല പ്രസിഡന്റ് എൻ യശോധരൻ, സെക്രട്ടറി ഡി ഉണ്ണികൃഷ്ണൻ ഉണ്ണിത്താൻ, സംവിധായകന്‍ പി ആർ കുമാർ തുടങ്ങിയവർ സംസാരിച്ചു.
English Summary: Monsoon International Film Festival has concluded