ഇത്തവണ കാലവര്ഷം നേരത്തെ എത്തുമെന്ന് കേന്ദ്ര കാലാവസ്ഥ വകുപ്പ്. മേയ് 27ന് തെക്ക് പടിഞ്ഞാറന് മണ്സൂണ് കേരളത്തിലെത്താന് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. സംസ്ഥാനത്ത് കനത്ത ചൂട് കൂടി നില്ക്കുന്ന സാഹചര്യത്തില് കാലവര്ഷം നേരത്തെ എത്തുന്നത് വലിയ ആശ്വാസമായിരിക്കും. ഇതിന് മുമ്പ് 2009ലാണ് ഇത്ര നേരത്തെ മണ്സൂണ് എത്തിയിട്ടുള്ളത്. കേരളത്തില് ജൂണ് മുതല് സെപ്റ്റംബര് വരെയുള്ള കാലവര്ഷത്തില് സാധാരണയില് കൂടുതല് മഴ ലഭിക്കുമെന്ന് നേരത്തെ കേന്ദ്ര കാലാവസ്ഥ വകുപ്പ് അറിയിച്ചിരുന്നു. ജൂണ് 8 ഓടുകൂടി രാജ്യം മുഴുവനും മണ്സൂണ് വ്യാപിക്കും.
ജൂണ് മുതല് സെപ്റ്റംബര് വരെ രാജ്യത്ത് സാധാരണയേക്കാള് കൂടുതല് മഴ ലഭിക്കാനാണ് സാധ്യത. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് യെല്ലോ അലര്ട്ട് പ്രഖ്യാപിച്ചു. ചൂടുമൂലം അസ്വസ്ഥതയുള്ള കാലാവസ്ഥയ്ക്ക് സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണമെന്നും കേന്ദ്രകാലാവസ്ഥാ വകുപ്പ് അറിയിച്ചു.