കോവിഡ് പ്രതിരോധപ്രവര്‍ത്തനങ്ങളുടെ ഭാഗമായി സംസ്ഥാനത്ത് ഏര്‍പ്പെടുത്തിയ നിയന്ത്രണങ്ങളില്‍ ഇളവ്. കോവിഡ് വ്യാപനത്തോത് കുറയുന്നതിന്റെ പശ്ചാത്തലത്തിലാണ് സര്‍ക്കാര്‍ കൂടുതല്‍ ഇളവുകള്‍ അനുവദിച്ച് ഉത്തരവിറക്കിയത്.
സംസ്ഥാനത്തെ തിയേറ്ററുകളില്‍ ഇനി മുതല്‍ മുഴുവന്‍ സീറ്റുകളിലും ആളെ പ്രവേശിപ്പിക്കാം. ആശുപത്രികളിലെ കോവിഡ് രോഗികളുടെ എണ്ണം അടിസ്ഥാനമാക്കി ജില്ലകളെ വിവിധ വിഭാഗങ്ങളാക്കി നിയന്ത്രണങ്ങള്‍ ഏര്‍പ്പെടുത്തുന്ന രീതി അവസാനിപ്പിച്ചു. ബാറുകള്‍,ക്ലബ്ബുകള്‍, ഹോട്ടലുകള്‍, റസ്റ്റോറന്റുകള്‍, മറ്റ് ഭക്ഷണശാലകള്‍ എന്നിവിടങ്ങളില്‍ ഇനി മുതല്‍ നൂറ് ശതമാനം ആളുകള്‍ക്ക് പ്രവേശിക്കാം.
സര്‍ക്കാര്‍, അര്‍ധ സര്‍ക്കാര്‍ പൊതുമേഖല സ്ഥാപനങ്ങള്‍ ഉള്‍പ്പെടെ എല്ലാ ഓഫീസുകളിലെയും മീറ്റിങ്ങുകള്‍, ട്രെയിനിങ്ങുകള്‍ എന്നിവ ഇനിയും ആവശ്യമെങ്കില്‍ ഓഫ് ലൈനായും നടത്താം. എല്ലാ പൊതുപരിപാടികള്‍ക്കും 25 സ്ക്വയര്‍ ഫീറ്റില്‍ ഒരാള്‍ എന്ന നിലയില്‍ സാമൂഹ്യ അകലം പാലിച്ച് പരമാവധി 1500 പേരെ വരെ പങ്കെടുപ്പിക്കാന്‍ ജില്ലാകളക്ടര്‍മാര്‍ക്ക് അനുവാദം നല്‍കണമെന്നും ഉത്തരവിലുണ്ട്.
English Summary: More concessions in the state
You may like this video also
