ആലപ്പുഴ: കൃഷ്ണപുരം കൊട്ടാരത്തിൽ കൂടുതൽ സൗകര്യങ്ങൾ ഒരുക്കി വിനോദ സഞ്ചാര സാധ്യതകൾ പ്രയോജനപ്പെടുത്തുന്നതിന് നടപടി സ്വീകരിക്കുമെന്ന് പുരാവസ്തു വകുപ്പ് മന്ത്രി അഹമ്മദ് ദേവർകോവിൽ പറഞ്ഞു. കൊട്ടാരം സന്ദർശിച്ച ശേഷം സംസാരിക്കുകയായിരുന്നു അദ്ദേഹം.
കേരള ചരിത്രത്തിൽ കൃഷ്ണപുരം കൊട്ടാരത്തിന് ഏറെ പ്രാധാന്യമുണ്ട്. നിലവിൽ ഇവിടെ സഞ്ചാരികൾക്കായി ഒരുക്കിയിട്ടുള്ള അടിസ്ഥാന സൗകര്യങ്ങൾ തൃപ്തികരമാണ്-അദ്ദേഹം പറഞ്ഞു. യു പ്രതിഭ എം എൽ. എ, നഗരസഭ അംഗം ബിനു അശോകൻ, ബി ഹരികുമാർ, പുരാവസ്തു വകുപ്പ് ഉദ്യോഗസ്ഥർ, രാഷ്ട്രീയ പാർട്ടികളുടെ പ്രതിനിധികൾ തുടങ്ങിയവരും മന്ത്രിയോടൊപ്പം ഉണ്ടായിരുന്നു.