കേന്ദ്ര സർക്കാരിന്റെ സോഷ്യല്‍ മീഡിയ അക്കൗണ്ടുകള്‍ വ്യാപകമായി ഹാക്ക് ചെയ്യപ്പെടുന്നതായി വെളിപ്പെടുത്തല്‍.
കഴിഞ്ഞ അഞ്ച് വർഷത്തിനിടെ കേന്ദ്ര സർക്കാരുമായി ബന്ധപ്പെട്ട 600ലധികം സോഷ്യൽ മീഡിയ അക്കൗണ്ടുകൾ ഹാക്ക് ചെയ്യപ്പെട്ടതായി വാര്‍ത്താവിനിമയ മന്ത്രി അനുരാഗ് താക്കൂർ ലോക്‌സഭയിൽ പറഞ്ഞു. 2017ൽ 175, 2018ൽ 114, 2019ൽ 61,2020ൽ 77, 2021ൽ 186 എന്നിങ്ങനെയാണ് ഓരോ വര്‍ഷവും ഹാക്ക് ചെയ്യപ്പെട്ട കണക്കുകള്‍. ഈ വർഷം ഇതുവരെ 28 അക്കൗണ്ടുകൾ ഹാക്ക് ചെയ്യപ്പെട്ടതായി മറുപടിയിൽ പറയുന്നു. ഇന്ത്യൻ കമ്പ്യൂട്ടർ എമർജൻസി റെസ്‌പോൺസ് ടീം ആണ് ഈ വിവരങ്ങള്‍ ലഭ്യമാക്കിയതെന്നും മന്ത്രി വ്യക്തമാക്കി.
ഡിജിറ്റൽ സാങ്കേതികവിദ്യകളുടെ സുരക്ഷിതമായ ഉപയോഗം ഉറപ്പാക്കാൻ ഏറ്റവും നൂതന സൈബർ പ്രതിരോധ നടപടികള്‍ സ്വീകരിക്കുമെന്നും മന്ത്രി പറഞ്ഞു.
English Summary: More than 600 central government accounts have been hacked
You may like this video also
