ബലാത്സംഗത്തിനിരയായ 17 കാരിയെ അമ്മയും ആണ്‍മക്കളും ചേര്‍ന്ന് കൊലപ്പെടുത്തി. കുടുംബത്തിന് അപകീര്‍ത്തിയുണ്ടാകുമെന്ന് ഭയന്നാണ് കൊലപാതകം നടത്തിയതെന്ന് പൊലീസ് പറഞ്ഞു. സെപ്തംബർ 18 ന് സഹോദരനും അമ്മയ്ക്കുമൊപ്പം മോട്ടോർ സൈക്കിളിൽ പോകുമ്പോൾ പെൺകുട്ടി വെടിയേറ്റ് മരിച്ചതായി പോലീസ് പറഞ്ഞു.
റിങ്കു എന്ന 20 കാരനാണ് പെണ്‍കുട്ടിയെ ബലാത്സംഗത്തിനിരയാക്കിയത്. ഇയാള്‍ക്കെതിരെ കേസ് രജിസ്റ്റര്‍ ചെയ്തതായി പൊലീസ് പറഞ്ഞു. തുടര്‍ന്ന് മൂവരും കൊലപാതക പദ്ധതി തയ്യാറാക്കുകയായിരുന്നുവെന്ന് പോലീസ് പറഞ്ഞു.
റിങ്കുവാണ് കൊലപാതകം നടത്തിയെന്ന പെണ്‍കുട്ടിയുടെ കുടുംബത്തിന്റെ ആരോപണം അന്വേഷിക്കവെയാണ് ഇവര്‍തന്നെയാണ് പ്രതികളെന്ന് കണ്ടെത്തിയതെന്നും പൊലീസ് പറഞ്ഞു.
സംഭവത്തില്‍ കൂടുതൽ അന്വേഷണം നടക്കുകയാണെന്നും അദ്ദേഹം കൂട്ടിച്ചേർത്തു.