രാജ്യതലസ്ഥാനത്തെ ഷഹീദ് ഭഗത് സിങ് പാര്‍ക്കില്‍ നവജാത ശിശുവിനെ തട്ടിക്കൊണ്ടുപോയ അമ്മയും മകനും അറസ്റ്റിലായി. മോമിന (40) മകന്‍ ഫുര്‍ക്കാന്‍ (25) എന്നിവരാണ് അറസ്റ്റിലായത്. വാല്‍മീകി ബസ്തി സ്വദേശികളാണ് ഇവരെന്ന് പൊലീസ് പറഞ്ഞു.
വെള്ളിയാഴ്ച വൈകിട്ട് 4.10ഓടെയാണ് കുട്ടിയെ കാണാതായെന്നുള്ള പരാതി ലഭിച്ചത്. തന്റെ ആറ് കുട്ടികളെയും കൊണ്ട് പാര്‍ക്കിലെത്തിയ യുവതിയോട് അടുപ്പം കാണിക്കുകയായിരുന്നു. തുടര്‍ന്ന് കുട്ടികള്‍ക്ക് ഭക്ഷണം വാങ്ങാന്‍ അമ്മ പോയ തക്കം നോക്കി മകളുടെ കൈയിലിരുന്ന കുഞ്ഞിനെ തട്ടിയെടുത്ത് കടന്നുകളയുകയായിരുന്നുവെന്നും പരാതിയില്‍ പറയുന്നു. വാല്‍മീകി ബസ്തിയ്ക്ക് സമീപത്തുനിന്നാണ് ഇവരെ പിടികൂടിയത്. കുട്ടിയെ രക്ഷപ്പെടുത്തി അമ്മയുടെ കൈയില്‍ ഏല്‍പ്പിച്ചതായും പൊലീസ് പറഞ്ഞു.
English Summary:Mother and son arrested for abducting newborn baby from park
You may like this video also
