കെപിസിസി വർക്കിങ് പ്രസിഡന്റ് കൂടിയായ പിടി തോമസ് എംഎൽഎയുടെ നിര്യാണത്തിൽ കോൺഗ്രസ് പ്രവർത്തകരും അല്ലാത്തവരും ദുഖത്തിലിരിക്കെ ക്രിസ്മസ് ആഘോഷിച്ച് കോർപ്പറേഷനിലെ കോൺഗ്രസ് കൗൺസിലർമാർ. കോർപ്പറേഷൻ ആസ്ഥാനത്ത് ഡിസിസി ജനറൽ സെക്രട്ടറി കൂടിയായ മുൻ മേയറും ഇപ്പോഴത്തെ പ്രതിപക്ഷ കക്ഷി നേതാവുമായ രാജൻ പല്ലന്റെ മുറിയിലാണ് പാർലമെണ്ടറി പാർട്ടിയോഗത്തിൻറെ മുമ്പായി മുറിയലങ്കരിച്ചും നക്ഷത്രം തൂക്കിയും കേക്ക് മുറിച്ചും കൈക്കൊട്ടി പാട്ട് പാടിയും ക്രിസ്മസ് ആഘോഷിച്ചത്. മൃതദേഹം ചിതയിലെടുക്കും മുമ്പേയായിരുന്നു ആഘോഷം. മൂന്ന് ദിവസത്തേക്ക് ദുഖാചരണം പാർട്ടി നിർദേശിച്ചത് ചിലർ ചൂണ്ടിക്കാണിച്ചെങ്കിലും ഇത് അവഗണിച്ചായിരുന്നു ആഘോഷം. പിടി തോമസിൻറെ വേർപാടിൽ കക്ഷി രാഷ്ട്രീയത്തിനതീതമായി ദുഃഖം അനുഭവിക്കുമ്പോഴാണ് നേതാക്കളുടെ നേതൃത്വത്തിൽ ക്രിസ്മസ് ആഘോഷിച്ചത്.
ENGLISH SUMMARY:Mourning over Working President’s Death: Congressman Celebrate Christmas
You may also like this video
