വന്ദേഭാരത് എക്‌സ്പ്രസിന്റെ സ്റ്റോപ്പുകളുടെ പട്ടികയില്‍ നിന്ന് തിരൂരിനെ ഒഴിവാക്കിയതിനെതിരെ പൊന്നാനി എം പി ഇടി മുഹമ്മദ് ബഷീര്‍. മലപ്പുറം ജില്ലയോടുള്ള കടുത്ത അനീതിയാണ് ഇതെന്ന് മുഹമ്മദ് ബഷീര്‍ ശക്തമായി പ്രതികരിച്ചു. അവഗണനയ്‌ക്കെതിരെ ബഹുജനങ്ങളെ അണിനിരത്തി ശക്തമായ സമരപരിപാടികളുമായി മുന്നോട്ടുപോകുമെന്നും അദ്ദേഹം വ്യക്തമാക്കി. ഫേസ്ബുക്കിലൂടെയായിരുന്നു അദ്ദേഹം ഇക്കാര്യം അറിയിച്ചത്.
രണ്ടാമത്തെ പരീക്ഷണ ഓട്ടത്തില്‍ തിരൂരില്‍ നിര്‍ത്താതെ പോയപ്പോള്‍ തന്നെ അവഗണനയുടെ സൂചന ലഭിച്ചിരുന്നു. അന്നുതന്നെ കേന്ദ്ര റെയില്‍വേ മന്ത്രി അശ്വിനി വൈഷ്ണവിനെ ബന്ധപ്പെടുകയും സ്റ്റോപ്പ് അനുവദിക്കണമെന്ന് കത്തെഴുതുകയും ചെയ്തിരുന്നുവെന്നും അദ്ദേഹം ചൂണ്ടിക്കാട്ടി.
English Summary: mp et muhammed basheer against not allotting stop for vande bharat at thirur
You may also like this video
