മോഡിയുടെയും ബിജെപിയുടെയും നിലവിലെ പ്രധാനശത്രുവായി മുഗളന്മാര്‍ മാറിയിരിക്കുകയാണ്. മുഗളന്മാരോടുള്ള ശത്രുതകാരണം റോഡുകളുടെയും ചരിത്രസ്മാരകങ്ങളുടെയും പേരുകളില്‍ മാറ്റവരുത്താന്‍പോലും മോഡി സര്‍ക്കാര്‍ ശ്രമിച്ചുവെന്നാണ് രാഷ്ട്രീയ വിദഗ്ധരുടെ വിശദീകരണം. മുഗളന്മാരുടെ 1200 വർഷത്തെ അടിമത്തത്തെക്കുറിച്ചാണ് പ്രധാനമന്ത്രി നരേന്ദ്ര മോഡി പലപ്പോഴും സംസാരിക്കുന്നതും. 2014‑ൽ മോഡി സർക്കാർ അധികാരമേറ്റതിന് തൊട്ടുപിന്നാലെ, ഡൽഹിയിൽ നിന്നുള്ള ഒരു ബിജെപി എംപി ഔറംഗസേബ് റോഡിന്റെ പേര് അബ്ദുൾ കലാം റോഡ് എന്നാക്കി മാറ്റാൻ ആവശ്യപ്പെട്ടു. തുടര്‍ന്ന് പേര് മാറ്റുകയും ചെയ്തു.
മുഗളന്മാര്‍ മുസ്‌ലിങ്ങളുടെ പ്രതിനിധിയായി. മുഗളന്മാര്‍ക്ക് മാത്രമല്ല, പിന്നീട് രാജ്യത്തെ മുസ്‌ലിം ജനതയ്ക്കെതിരെ പോലും വളരെ ക്രൂരമായ നടപടികള്‍ രാജ്യത്തുണ്ടായി. നിരവധി മുസ്‌ലിം ജനത സാമ്പത്തികമായും ശാരീരികമായും പിന്നോക്കം പോയതും ഈ കാലഘട്ടത്തിലാണ്. ബിജെപി മന്ത്രിമാര്‍ ഉള്‍പ്പെടെയുള്ളവര്‍ മുസ്‌ലിം ജനതയ്ക്കെതിരെ വിവാദ പ്രസ്താവനകളായി മുന്നോട്ട് വന്നതും സംഘപരിവാറിന്റെ പിന്‍ബലത്തിലാണ്. 1992ൽ ബാബറി മസ്ജിദ് തകർത്തവരിൽ താനുമുണ്ടെന്ന് നിയമബിരുദധാരിയായ മുൻ മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നാവിസ് അവകാശപ്പെട്ടു.
കൂടുതൽ വികസനങ്ങള്‍ കൊണ്ടുവരുന്നതിനെക്കുറിച്ചും അവരുടെ സാമ്പത്തിക നയങ്ങളെക്കുറിച്ചും സാമൂഹിക ക്ഷേമ പദ്ധതികളെക്കുറിച്ചും രാഷ്ട്രീയക്കാർ സാധാരണയായി വീമ്പിളക്കാറുണ്ട്. അതേസമയം ഇന്ത്യയുടെ മതേതര ഘടനയെ കീറിമുറിച്ച വർഗീയ കലാപത്തിലേക്ക് നയിച്ച, നിയമവിരുദ്ധമായ ഒരു പ്രവൃത്തിയിൽ ഒരു മുൻമുഖ്യമന്ത്രി അഭിമാനത്തോടെ സംസാരിക്കുന്നത് ഒരുപക്ഷേ ഒരു രാജ്യത്തുണ്ടകുന്നത് ഇവിടെ മാത്രമായിരിക്കും.
‘മുഗൾ കാലത്തെ’ ഗ്രാമങ്ങളുടെ പേരുകൾ മാറ്റാൻ ഡൽഹിയിലെ യോഗ്യനായ ഒരു ബിജെപി സംസ്ഥാന സർക്കാരിനോട് ആവശ്യപ്പെട്ടിരുന്നതും വാര്‍ത്തയായിരുന്നു. ഉത്തർപ്രദേശിൽ ബിജെപിയുടെ ഒരു പ്രാദേശിക ഘടകത്തിന്റെ ഭാരവാഹി, ഹൈന്ദവ വിഗ്രഹങ്ങൾ പരിശോധിക്കാൻ താജ്മഹലിലെ സീൽ ചെയ്ത മുറികൾ തുറക്കാൻ അനുവദിക്കണമെന്ന് കോടതികളോട് ആവശ്യപ്പെട്ടു. എന്നാല്‍ അലഹബാദ് ഹൈക്കോടതി അദ്ദേഹത്തിന്റെ ഹർജി തള്ളി.
പാര്‍ശ്വവല്‍ക്കരിക്കപ്പെടുന്നതിന് പുറമെ ‘മുഗൾ’ എന്ന പദം ഇപ്പോൾ മുസ്‌ലിങ്ങളെ അപകീർത്തിപ്പെടുത്താനും ആക്രമിക്കാനുമുള്ള ഒരു പദമായി മാറിയിരിക്കുന്നു. പുസ്തകങ്ങളില്‍ നിന്നും ചരിത്ര രേഖകളില്‍ നിന്നും മുഗള്‍ ചരിത്രങ്ങള്‍ നീക്കം ചെയ്യുന്നതിനുള്ള നടപടിയും ഇതിനകം ബിജെപി സര്‍ക്കാര്‍ കൈക്കൊണ്ടിട്ടുണ്ട്. മുസ്‌ലിം വിരുദ്ധപ്രസ്താവനകള്‍ക്കെതിരെ രാജ്യത്ത് നടക്കുന്ന പ്രതിഷേധങ്ങള്‍ അതിനുള്ള ഉദാഹരണമാണെന്നും വിദഗ്ധര്‍ വിലയിരുത്തുന്നു.
പലപ്പോഴും ബീഫ് രാഷ്ട്രീയം ബിജെപിയും സംഘപരിവാറും ഉയര്‍ത്തിക്കൊണ്ടുവരുന്നതിന്റെ പിന്നിലും ഇതേ മുസ്‌ലിം വിരുദ്ധതയാണ് മുഴച്ചുനില്‍ക്കുന്നത്.
English Summary: Mughals are the main enemy of Modi and BJP!
You may like this video also
.