മുല്ലക്കര രത്നാകരന് ഷാർജ അന്താരാഷ്ട്ര വിമാനത്താവളത്തിൽ സ്വീകരണം നൽകി

സികെ ചന്ദ്രപ്പൻ സ്മൃതിപുരസ്‌കാര സമർപ്പണത്തിനായി യുഎയിൽ എത്തിച്ചേർന്ന മുൻ കേരള കൃഷി വകുപ്പ് മന്ത്രിയും പ്രമുഖ പ്രാസംഗികനുമായ മുല്ലക്കര രത്നാകരനെ യുവകലാസാഹിതി ഷാർജയുടെ ഭാരവാഹികൾ ഷാർജ അന്താരാഷ്ട്ര വിമാനത്താവളത്തിൽ സ്വീകരിച്ചു.
സി കെ ചന്ദ്രപ്പന്റെ സമരോജ്ജ്വലമായ ഓർമ്മകൾ പുതിയ സമൂഹത്തിന് വഴിവിളക്കാകാൻ വേണ്ടി യുവകലാസാഹിതി ഷാർജ ഏർപ്പെടുത്തി നൽകി വരുന്ന സി കെ ചന്ദ്രപ്പൻ സ്മൃതി പുരസ്കാര സമർപ്പണം നാളെ വൈകീട്ട് 7.30ന് ഇന്ത്യൻ അസോസിയേഷൻ ഷാർജയിൽ വച്ച് മുല്ലക്കര രത്നാകരൻ ഡോക്ടർ കെ ജയകുമാർ ഐഎഎസിന് സമ്മാനിക്കും.