രണ്ട് യുവതികളുമായി ബൈക്കില്‍ അഭ്യാസപ്രകടനം നടത്തിയ യുവാവിനെതിരെ കേസെടുത്ത് പൊലീസ്. മുമ്പിലും പിറകിലുമായി പെണ്‍കുട്ടികളെ ഇരുത്തി അപകടകരമായരീതിയില്‍ ബൈക്കില്‍ അഭ്യാസപ്രകടനം നടത്തുകയായിരുന്നു യുവാവ്. മുംബൈ നഗരത്തിലാണ് അപകടകരമാംവിധം യുവാവ് ബൈക്ക് അഭ്യാസം നടത്തിയത്. സമൂഹമാധ്യമങ്ങളില്‍ ഇതിന്റെ ദൃശ്യങ്ങള്‍ വൈറലായതോടെയാണ് മുംബൈ പൊലീസ് കേസെടുത്തത്. പെണ്‍കുട്ടികള്‍ക്കെതിരെയും കേസെടുത്തു.
മുന്‍പിലും പിറകിലും പെണ്‍കുട്ടികളെ ഇരുത്തിയാണ് യുവാവ് ബൈക്കില്‍ അഭ്യാസപ്രകടനം നടത്തിയത്. ഇവരാരും ഹെല്‍മെറ്റും ധരിച്ചിരുന്നില്ല. ബൈക്കിന്റെ മുന്‍ഭാഗം ഉയര്‍ത്തി മൂന്നുപേരും അപകടകരമായരീതിയില്‍ സഞ്ചരിക്കുന്നതിന്റെ വീഡിയോ കഴിഞ്ഞദിവസമാണ് സാമൂഹികമാധ്യമങ്ങളില്‍ പ്രത്യക്ഷപ്പെട്ടത്. ബൈക്കിന്റെ രജിസ്‌ട്രേഷന്‍ നമ്പറും വീഡിയോയ്‌ക്കൊപ്പം പോസ്റ്റ് ചെയ്തിരുന്നു. ഈ വീഡിയോ ശ്രദ്ധയില്‍പ്പെട്ടതോടെയാണ് ബൈക്കിലുണ്ടായിരുന്ന മൂന്നുപേര്‍ക്കെതിരേയും മുംബൈ പൊലീസ് കേസെടുത്തത്. മുന്‍ ചക്രങ്ങള്‍ ഉയര്‍ത്തി, ഏറെ ദൂരം ഇയാള്‍ ബൈക്ക് ഓടിക്കുന്നതും വീഡിയോയില്‍ കാണാം.
dangerous Stunt with 2 pillion rider one in front & one at rear,
no helmet & doing whilly !they know that Mumbai roads hv became #PotholesFree now…!
pls catch him @MTPHereToHelp
bike reg no. is Mh01DH5987 pic.twitter.com/tvYeRMDR39
— @PotholeWarriors Foundation💙 #RoadSafety🇮🇳🛵🛣 (@PotholeWarriors) March 30, 2023
എന്നാല്‍ മൂവരെയും ഇതുവരെ പിടികൂടാൻ കഴിഞ്ഞിട്ടില്ല. ആര്‍ക്കെങ്കിലും ഈ മൂന്നുപേരെക്കുറിച്ചുള്ള വിവരങ്ങള്‍ അറിയുമെങ്കില്‍ നേരിട്ട് സന്ദേശം അയക്കാനും മുംബൈ ട്രാഫിക് പൊലീസ് ട്വിറ്ററിലൂടെ അറിയിച്ചു.
English Summary: Mumbai man performs bike stunt as 2 women straddle him, case lodged
You may also like this video
