ബീഹാറില്‍ വന്‍ കോളിളക്കം സൃഷ്ടിച്ച മാധ്യമപ്രവര്‍ത്തകന്റെ കൊലപാതകത്തില്‍ അറസ്റ്റ് രേഖപ്പെടുത്തി. ഹിന്ദി പത്രമായ ദൈനിക് ജാഗരണ്‍ പത്രത്തിലെ മാധ്യമപ്രവര്‍ത്തകനെ കൊലപ്പെടുത്തിയ കേസില്‍ നാലുപേരാണ് അറസ്റ്റിലായത്. ദൈനിക് ജാഗരണിലെ റിപ്പോർട്ടർ വിമൽ കുമാർ യാദവ് ആണ് കൊല്ലപ്പെട്ടത്. കസ്റ്റഡിയിൽ എടുത്ത പ്രതികള ചോദ്യം ചെയ്ത് വരികയാണ്. വെള്ളിയാഴ്ച രാവിലെയാണ് അക്രമികൾ വിമല്‍കുമാറിനെ വീട്ടിൽകയറി വെടിവെച്ചു കൊന്നത്. കൊലപാതകത്തിന് പിന്നാലെ പ്രദേശത്ത് വലിയ സംഘർഷം ഉടലെടുത്തിട്ടുണ്ട്.
സംഭവത്തെ തുടർന്ന് പൊലീസ് സൂപ്രണ്ടും എം പിയും സംഭവസ്ഥലത്തേക്ക് എത്തിയിരുന്നു. അതേസമയം അയൽക്കാരുമായുള്ള പഴയ വൈരാഗ്യമാകാം സംഭവത്തിന് കാരണമെന്നും പറയുന്നു. ഒരു വർഷം മുൻപ് വിമൽ കുമാറിന്റെ അനുജനും ഇതേ രീതിയിൽ കൊല്ലപ്പെട്ടിരുന്നു. കേസിലെ മുഖ്യസാക്ഷി വിമൽ ആയിരുന്നു. ഇയാളുടെ കൊലപാതകവും ഇതുമായി ബന്ധപ്പെട്ടിരിക്കുമെന്ന് സംശയിക്കുന്നതായും പൊലീസ് പറയുന്നു.
English Summary: Murder of Journalist in Bihar; Four people were arrested
You may also like this video also
