പഞ്ചാബി ഗായകന് സിദ്ദു മൂസെവാലയുടെ കൊലപാതകവുമായി ബന്ധപ്പെട്ട് ഒരാള് കൂടി പിടിയില്. വെടിവച്ച സംഘത്തിലെ അംഗങ്ങളിലൊരാളായ സന്തോഷ് ജാദവ് പൂനെയിൽ നിന്നാണ് പിടിയിലായത്. കൊലപാതകത്തില് നേരിട്ട് പങ്കെടുത്ത സംഘത്തിലെ ആദ്യ അറസ്റ്റാണിത്.
ഡല്ഹിയിലെ തിഹാര് ജയിലില് കഴിയുന്ന ലോറന്സ് ബിഷ്ണോയിയുടെ സംഘത്തിലെ അംഗമാണ് ജാദവ്. ഇയാള്ക്കെതിരെ 2021‑ല് പൂനെ ജില്ലയിലെ മഞ്ചാര് പൊലീസ് സ്റ്റേഷനില് ഒരു കൊലപാതകക്കേസ് രജിസ്റ്റര് ചെയ്തിട്ടുണ്ടെന്ന് പൊലീസ് പറഞ്ഞു.
ഇയാള് ഒരു വര്ഷമായി ഒളിവിലായിരുന്നു. കൊല നടത്തിയ സംഘവുമായി നേരിട്ട് ബന്ധമുള്ള മഹാകാള് എന്ന പ്രതിയെ മഹാരാഷ്ട്ര പൊലീസ് നേരത്തെ അറസ്റ്റ് ചെയ്തിരുന്നു.
മെയ് 29നാണ് മൂസെവാല കൊല്ലപ്പെട്ടത്. ഗായകനും കോണ്ഗ്രസ് നേതാവുമായ സിദ്ദു മൂസെവാലയുടെ കൊലപാതകം തിഹാര് ജയിലുള്ള ഗുണ്ട നേതാവ് ലോറന്സ് ബിഷ്ണോയിയാണ് ആസൂത്രണം ചെയ്തതെന്നാണ് പഞ്ചാബ് പൊലീസ് പറയുന്നത്.
വിഐപികളുടെ സുരക്ഷ പഞ്ചാബ് സര്ക്കാര് പിന്വലിച്ചതിന് പിന്നാലെയാണ് സിദ്ദു കൊല്ലപ്പെടുന്നത്. കേസില് പഞ്ചാബ് സര്ക്കാര് നേരത്തെ ജൂഡീഷ്യല് അന്വേഷണം പ്രഖ്യാപിച്ചിരുന്നു.
English summary;Musewala’s murder; Shooting gang member arrested