കേരള കോൺഗ്രസിന്റെ മുന്നണിമാറ്റം ചർച്ചയാകുന്നതിനിടയിൽ പാലാ സീറ്റ് ആർക്കും വിട്ടുകൊടുക്കില്ലെന്ന് പ്രതികരണവുമായി മാണി സി കാപ്പന് എംഎല്എ. കോൺഗ്രസ് നേതൃത്വം പലതവണ ചർച്ച നടത്തിയിട്ടും എന്നാൽ മാണി സി കാപ്പൻ വഴങ്ങാത്തതിനെ തുടർന്ന് മുസ്ലിം ലീഗ് നേതാക്കളാണ് ചർച്ച തുടർന്നത്. പാലക്ക് പകരം തിരുവമ്പാടി സീറ്റ് ആണ് ലീഗ് കാപ്പന് വാഗ്ദാനം ചെയ്തത്.
കുഞ്ഞാലിക്കുട്ടിയുടെ മലപ്പുറത്തെ വീട്ടില് വെച്ച് യോഗം ചേര്ന്നിരുന്നു. സഭാ പ്രതിനിധികളും കൂടിക്കാഴ്ചയില് ഉണ്ടായിരുന്നു. എന്നാല് താന് പാലാ വിട്ടുപോകില്ലെന്ന നിലപാടില് മാണി സി കാപ്പന് ഉറച്ച് നില്ക്കുകയായിരുന്നു. എന്നാൽ ഈ വിഷയത്തിൽ അജണ്ടവച്ച് ചര്ച്ച നടന്നിട്ടില്ലെന്ന് ലീഗ് നേതാവ് പി കെ കുഞ്ഞാലിക്കുട്ടി പറഞ്ഞു.