കൊടകര കഴല്‍പ്പണകേസില്‍ സംസ്ഥാന സര്‍ക്കാര്‍ തുടരന്വേഷണത്തിനായി തീരുമനം എടുത്തിരിക്കുകയാണ്. കേസില്‍ ഇഡിയാണ് ഇടപെടേണ്ടത്.കള്ളപ്പണം ഇടപാടില്‍ കേരള പൊലീസിന് അന്വേഷണം നടത്താന്‍ പരിമിതിയുണ്ടെന്നും സിപിഐ(എം) സംസ്ഥാന സെക്രട്ടറി എം വി ഗോവിന്ദന്‍.
ബോധപൂർവ്വമായി ഇടതുപക്ഷ സർക്കാരിനെ കുറ്റം പറയാനാണ് പ്രതിപക്ഷ നേതാവ് വിഡി സതീശനും യുഡിഎഫും ശ്രമിക്കുന്നത്. കേസിൽ ഇഡി ഇടപെടണമെന്ന് വി ഡി സതീശനോ യുഡിഎഫോ ആവശ്യപ്പെടുന്നില്ല.യഥാർത്ഥത്തിൽ ബിജെപിയുമായി ഡീൽ ഉണ്ടാക്കുന്നത് ആരെന്ന് ഇതിൽ നിന്ന് തന്നെ വ്യക്തമാണ്.
ഇഡിക്കോ ഐടിക്കോ എതിരായി ഒരക്ഷരം പറയാൻ അവർ തയ്യാറാവുന്നില്ലെന്നും എം വി ഗോവിന്ദൻ വിമർശിച്ചു. കോടതിയിൽ ഇഡി വ്യക്തമാക്കിയത് അന്വേഷണം നടത്തുമെന്നാണ്.എന്നാൽ മൂന്നുവർഷമായിട്ടും ഇഡി കേസിൽ അടങ്ങിയിട്ടില്ല.ബിജെപി പറയുന്നത് അനുസരിച്ചാണ് ഇഡി പ്രവർത്തിക്കുന്നത് എന്ന് വ്യക്തം.
സന്ദീപ് വാര്യർ ഉൾപ്പെടെയുള്ള വ്യക്തികൾ ബിജെപിയുമായി തെറ്റിനിൽക്കുന്നു എന്നത് സത്യമാണ്.സിപിഐ (എം) ഇതുവരെ സന്ദീപ് വാര്യരുമായി ബന്ധപ്പെട്ടിട്ടില്ല. പാർട്ടിയിലേക്ക് വന്നാൽ സ്വീകരിക്കുമോ എന്ന ചോദ്യത്തിന് പ്രസക്തിയില്ല.എകെ ബാലനുമായി ശോഭാ സുരേന്ദ്രൻ ചർച്ച നടത്തിയെന്ന് വെറുതെ പറയുന്നതാണ്. ശോഭയുടെ ആരോപണത്തിലൊന്നും മറുപടി പറയാൻ പറ്റില്ലെന്നും അദ്ദേഹം മാധ്യമങ്ങളോട് പറഞ്ഞു.